Жолоочийн албан журмын даатгалын тухай хуульд өөрчлөлт оруулах саналыг боловсруулж, УИХ-д өргөн барих гэж буйгаа УИХ-ын гишүүн П.Мөнхтулга мэдээллээ.

Тэрбээр "Манайд жилд дунджаар 6000 гаруй осол гардгаас 60 хувь нь Улаанбаатар хотод, 40 хувь нь орон нутагт гардаг. Монгол Улсад 1 сая гаруй жолооч байдаг. Үнэмлэх аваад машин барих эрхтэй болсон албан журмын даатгал төлдөг ба энэ нь 2011 онд хуульчиж, даатгалд хамруулж байна. Даатгалыг аваад эргээд нөхөн төлбөр өгөх болоход замын цагдаа ирж гэрчилж, даатгалын шуурхай алба ирж хардаг. Энэ хооронд зам түгжирч, эмнэлэг, галын машин гээд 200-300 машин цагдаа хүлээж зогсдог. Цагдаа нар үүнд шүүмжлэлтэй ханддаг. Учир нь хоёр машин мөргөлдсөн тохиолдолд цаг их авч байна.

Зөрчил гаргасан тохиолдолд жолооч 100 мянган төгрөгөөр торгуулах, үнэмлэхний оноо хасуулах эсвэл даатгалаас хохирлоо барагдуулах гэсэн хоёр л сонголттой нүүр тулдаг.

Замын хөдөлгөөний хуульд зааснаар хэрэв жолооч нар зам дээр осол гаргалаа гэхэд хүний амь нас эрсдээгүй, эд хөрөнгө үлэмж хэмжээгээр хохироогүй, хөнгөн төрлийнх бол хоорондоо учраа олоод, тохиролцоод ослын газраас хөдлөх боломжтой. Албан журмаар авсан бол буцаагаад төлдөг байх хуулийг санаачилж байна. Хууль санаачлахад бүх техникүүдийг хайхад боломжтой байна. Жолоочийн албан журмын даатгалын тухай хуулийн 16.6 заалтад нэмэлт өөрчлөлт оруулахад гар утас, хар хайрцгаар гэрчлэх боломжтой. Заавал цагдаагаар гэрчилж, цагдаагийн газар очиж, зам түгжрүүлдгийг болимоор байна.

Зөрчил гаргасан тохиолдолд жолооч 100 мянган төгрөгөөр торгуулах, үнэмлэхний оноо хасуулах эсвэл даатгалаас хохирлоо барагдуулах гэсэн хоёр л сонголттой нүүр тулдаг. Үүнийгээ л больё.

Албан журмын тухай хууль хэрэгжиж эхлээд өдгөө 10 гаруй жил болж байна. Үүнээс хойш даатгалын компаниуд борооны мөөг шиг ихэссэн. Ер нь даатгалын компаниудыг гол "амьдуулж байгаа" нь энэ хууль юм. Тооцоо судалгааг харахад даатгалын компаниудад нэг их ачаалал байхгүй. Осол гардгаараа л гарна, даатгалын компаниуд өгдгөөрөө л өгөх ёстой. Дундын процесс л чирэгдүүлээд байгаад асуудал байна. Даатгал зуучлагчид ч олширсон. Иргэдтэй гэрээ байгуулдаг ч дараа нь "Осол боллоо даатгалаа авъя" гэхээр ийм, тийм тодорхойлолт авчир, хэргийн газраас хөдөлсөн байна гэдэг. Даатгал зуучлагч нар энэ хуулийг дэмжиж байгаа. Нөхөн төлбөр асуудалгүй болоод ирэхээр даатгуулагчдад ч таатай нөхцөл бүрдэх юм" гэлээ.

Жолоочийн албан журмын даатгалын тухай хуулийн дэлгэрэнгүйг та ЭНД дарж бүрэн эхээр нь хүлээн авах боломжтой.