Монголын хөдөөд төрж өссөн 12 настай малчин охин Пүүжээгийн гунигт амьдралыг харуулсан “Пүүжээ” баримтат кино 2006 онд Азийн кино наадмаас Гран при шагнал хүртэж, саяхан болсон Парисын кино наадамд тэргүүлсэн.

Тэгвэл “WORLD JAРAN” нэвтрүүлгийн хөтлөгч, Японы нэрт найруулагч, зураглаач Сэкио Ёошимура Монголын тал нутгаар аялж явахдаа хийсэн энэхүү кино Америкийн кино наадамд нэр дэвшин оролцжээ. Монгол Улсын нийслэл Улаанбаатараас 70 гаруйхан км зайд орших Баянчандмань сумын төвийн эгэл жирийн нэг гэр бүлийн амьдралаас сэдэвлэсэн кино ийнхүү Америкийн кино наадамд оролцож байна.

Хэдийгээр киноны гол баатар 12 настай Пүүжээ охин хорвоог орхин одсон ч түүнийг дүрээ мөнхөлсөн уг баримтат киног мянга мянган хүмүүс гайхшран үзэж буй. Энэ жилийн Sundance олон улсын кино фестивальд нийтдээ 3700-гаад киноноос шалгаруулж дэлхийн 25 орны 121 кино шалгарч уг наадамд оролцсон байна. Үүнд Японы сэтгүүлч, найруулагч Казуяа Яамадагийн “Пүүжээ” багтаж чадсан юм. Үүнд уг кино гарсан цагаасаа хойш Европын хэд хэдэн томоохон кино наадамд оролцсон нь нөлөөлсөн байх.