Төв аймаг, Эрдэнэ сумын Баянтуул багийн “Тэргийн гол” гэдэг газар “www.firms.modaps.eosdis.nasa.gov” болон “www.icc.mn” сайтад түймрийн цэг илэрсэн мэдээллийг ОБЕГ-ын Гал түймэртэй тэмцэх газраас зургаадугаар сарын 19-ний өдрийн 19:10 цагт хүлээн авчээ.

Тус аймгийн Онцгой байдлын газрын дарга, хурандаа Г.Эрдэнэбатаар ахлуулсан  алба хаагчид, Үндэсний аврах бригад, Хан Хэнтий Улсын тусгай хамгаалалттай газрын  нийт 63 хүн, 2 автомашин, 4 морьтой ойн гал түймрийг унтраах ажиллагааг зохион байгуулан ажиллаж байна. 

Мөн  Сэлэнгэ аймаг, Мандал сум 1 дүгээр багийн “Гахайтын голын эх” гэдэг газар гарсан ойн гал түймрийг унтраахаар ажиллан 06.22-ны өдрийн 12:30 цагт цурамд оруулж, бүрэн унтраахаар ажиллаж байна.

Түүнээс гадна тус аймгийн Алтанбулаг сум Цөх багийн “Доргон толгой” гэдэг газар болон Шаамар сумын Дэлгэрхаан багийн “Шаамар 3” гэдэг газар гарсан ойн гал түймрийг унтраахаар

Хөвсгөл аймаг, Цагааннуур сум 2 дугаар багийн “Урд Агяа тайга” гэдэг газар гарсан хээрийн түймрийг унтраахаар тус тус ажиллаж байна.

Эх сурвалж: ОБЕГ