Олон улсын газарзүйн олимпиад 2025 оны 7 дугаар сарын 27-наас 7 дугаар сарын 31-ний өдрүүдэд Тайланд улсын Бангкок хотод болж, шилдэг газарзүйчдийг тодрууллаа.

Монгол Улсын баг 2 хүрэл медаль хүртэж бахархам амжилтын эзэд боллоо. Өмнө 2016 оны БНХАУ, 2017 оны Бельградын олон улсын олимпиадаас манай сурагчид мөнгө, хүрэл медаль хүртэж байв.

Олон жил тасарсан медалийн буухиаг Норовсүрэнгийн Нараа (Шинэ-Эрин сургууль, 11-р анги) хүрэл медаль, Аянбекийн Амина (Гёте сургууль, 11-р анги) хүрэл медалиар дахин эхлүүллээ.

Амжилттай оролцсон Цэрэндоржийн Бүрэнбаяр (Орхон Хасү сургууль, 11-р анги), Отгонбилэгийн Энгүүн (Орчлон сургууль, 11-р анги) нартаа баяр хүргэе.

Багийн ахлагчаар В.Батцэнгэл (МУИС-ийн Газарзүйн тэнхимийн профессор), Ц.Цэндсүрэн (МУИС-ийн Газарзүйн тэнхимийн багш) нар ажиллалаа. 

Эх сурвалж: Боловсролын ерөнхий газар