Сар шинийн баяр дөхсөнтэй холбоотойгоор “Алтан тариа” ХХК-ийн дээдийн дээд, ширхэгтэй дээд гурил нэлээд ховорджээ. Энэ талаар тус компанийн Маркетингийн албаны дарга Ч.Аюушжаваас тодрууллаа.

-Дээдийн дээд, ширхэгтэй дээд гурил ховордсон шалтгаан нь юу вэ?
-Энэ жил буудайн чанар муугаас манай гурилын үйлдвэрлэл өмнөх жилүүдтэй харьцуулахад эрс багасч, өнгөрсөн сарын дундаас зогссон. Буудайн чанар муу, цавуулаг багатай байгаа тул дээд зэрэглэлийн гурилын гарц муудсан. Цагаан сар дөхөж, гурилын эрэлт их байгаа учир бага хэмжээгээр үйлдвэрлэсэн дээдийн дээд, ширхэгтэй дээд гурил тасарсан. Өөрөөр хэлбэл, үйлдвэрлэсэн дээд зэрэглэлийн гурил бүгд дууссан. Харин их хэмжээгээр үйлдвэрлэсэн дээд гурил 720 төгрөгөөр зарагдаж байна.

-Гурилын үйлдвэрлэл зогссон гэдэг нь түүхий эд дууссан гэсэн үг үү?
-Үгүй. Манай нөөцөлсөн буудай ирэх зургаадугаар сарын 1 хүртэл хангалттай. Цагаан сарын дараа гурилаа хэвийн үйлдвэрлэж эхэлнэ.

Ч.Мөнхзул