Филармоны театрын касснаас түүний тоглолтын ганцхан билетийг бүтэн хоёр долоо хоног олох гээд чадсангүй. Самарт байх хоёр өдөр түүнд хэдэн арван ярилцлага өгөх хэрэг гарсан байх шүү. Дэлхий дээр хаана ч давтагдашгүй хоолойтой хуруу даран тоолом Оросын контртенор бол манай нутгийн хүн.

Октябрскийн механик - тракторчний хүү Олег Безинских дэлхийн дуурийн тайзан дээр мандаж байна. Бид түүнтэй “Бристоль” зочид буудалд уулзсан юм. Олег буудлын үүдний танхим руу ёслолын урт хар хүрэмтэй, сэтгэл татам инээмсэглэн амьсгаадсаар орж ирлээ.

“Орон нутгийн телевизийн шууд нэвтрүүлгээс хоцорчих вий гэж бодсоор тань руу яаран хоол ч идэлгүй ирлээ” гэж тэрээр тайлбарлав. Тэр маш сэтгэл татам, ялдам, ямар ч биеэ тоосон зангүй хүн юм. “ Та надаас миний гайхамшигт хүний тухай асуух байх, тийм үү гэж тэр өөрөө асуултаа эхэллээ. Тэгээд асуултандаа “Намайг яагаад ч юм бүгдээрээ л тэгж нэрлэдэг, энэ хамгийн түгээмэл асуулт. Тиймээс би танд шууд л, би бол жирийн хүн, надтай зүгээр л энгийнээр ярьж болно” хэмээн өөрөө хариулав.

-Таны албан ёсны сайт дээр Америкт аялан тоглолтоо хийж байгаа гэсэн мэдээлэл байсан. Гэтэл та энд Самарт байж байна. Хилийн чанад руу явах аяллаа больчихсон юм уу?
-Зөвхөн хойшлуулсан. Бид тийшээ таван сард явна. Миний хувьд Орост хийх тоглолт, Оросын сонсогчид л  үргэлж эрхэм. Би бол эх оронч хүн. Өөрийн эх орондоо маш их хайртай. Мэдээж би Самарыг Америкаар солихгүй гэдэг нь ойлгомжтой. Түүнээс гадна би Сакраментийг юу ч үгүй болтол цөлмөж  амжина аа, танд батлан хэлье.

Ер нь Самар бол миний онцгой мэдрэмж, миний төрөлх хот, энд би олон жил суралцсан. Намайг төрөлх филармондоо ажилд орох санал тавихад би юу ч бодолгүй л орсон. Өнгөрөгч хоёр сар бид шинэ цомгоо гаргахаар олон цагаар ажилласан. Дөрвөн сард Санкт-Петербургт түүнийхээ нээлтийг хийнэ. Гэхдээ урьдчилсан нээлтээ Самарт хийхээр шийдсэн. Энэ бол миний  төрөлх нутгийхандаа барьж байгаа бэлэг. Би юу ч зарлаагүй байгаа, гэхдээ миний уран бүтээлийг сонирхдог хүмүүс тоглолтын өмнө цомгийг худалдан авч болно.
 
-Энэ цомогт  таны дуртай сонгодгоос эхлээд эстрадын олон төрлийн хит дуунууд орсон. Харин та өөрийгөө ямар хэмжээний (категорийн) тоглогчид тооцдог вэ. Ямар дуундаа дуртай вэ?
-Би хөгжмийг сонгодог, поп, кроссвер, хөгжмийн найруулгын гэж ялгадаггүй. Таалагдсанаа л дуулдаг. Хэрвээ та намайг хүнд рокийн дуу дуулбал эрүүл бус гэж бодох байх. Гэхдээ би олон төрлийн дуу дуулдаг. Надад эстрад болон сонгодог дуу таалагддаг. Одоо үүнийг холимог гэж нэрлэдэг. Хэзээ нэгэн цагт би өөрийнхөө бүх концерт “Аве Мария”-гаар эхэлнэ гэж тангараг өргөж байсан, одоохондоо би хэлсэндээ хүрч байгаа. Яагаад гэвэл, би сүсэг бишрэлтэй хүн. “Аве Мария” нь зөвхөн миний нэрийн хуудас биш, энэ бол миний сэтгэлийн нэрийн хуудас юм.

Хэрвээ хэзээ ч юм концерт энэ өргөлөөс эхлэхгүй байсан ч гэсэн би хөшигний ард ямар ч байсан “Аве Мария”-г дуулаад, дараа нь тоглолтоо эхэлнэ. Нөгөө талаас би алдартай эстрадын дуунуудыг жишээ нь, “Нэгэн удаа” (“Однажды”), “Байдаггүй хот”(“Город, которого нет”)-ыг дуулна. Өөр миний хөтөлбөрт жирийн мөргөлийн залбирлууд байдаг. Энэ бол маш хүчтэй зүйл. Ийм дуунууд морин хийлийн найрал дээр тоглогддог.

Надад одоо цагт моод болсон “хэмжээ” гэдэг үг таалагддаггүй. Хүний оюун санааг хазаарлаж,   хязгаарласан л зүйл. Уран бүтээлд ямар нэгэн “хүрээ” гэж байж болох уу? Энэ хүрээнээс болж намайг радио хүлээд байгаа, энэ хүрээнээс болж л би “Евровидение” – д батлагдаагүй.

-Хэдэн жилийн өмнө тантай Максим Фадеевийн продюссерийн төв ажиллана гэж яригдаж байсан. Гэсэн хэдий ч энэ нь таны “Фабрика звезд”-д багшлах төдийхнөөр дууссан. Хамтын ажиллагаа чинь бүтээгүй юм уу?
-Тийм ээ, бид “Монолит” студиэс эхлэн хамт ажиллах гэж оролдож үзсэн. Гэтэл тэд “фабрикийнхнийг” хасаж дадчихсан, тэгээд над руу гэтэж байсныг мэдээгүй. Үнэн хэрэг дээрээ би чинь өдөр бүр концертоор бүс нутгуудаар явж чадахгүй, хүүхдүүдийг хасч чадахгүйгээр барахгүй хөгжим бол миний хувьд онцгой  хэрэгтэй зүйл, ялангуяа дууны цар хүрээ. Тиймээс бид зовж шаналсны эцэст салцгаасан. Ингэсэн нь дээр байсан. Би чинь хэнээс ч хамааралгүй хүн шүү дээ. Зөвхөн хоёр хүний ажлыг л хийх хэрэгтэй болдог. Гэхдээ би юунд ч гомдоллохгүй, миний амьдрал сонирхолтой!

Би дуурьт дуулж, дэлхийн орнуудаар аялж, кинонд болон хүүхэлдэйн кинонд дуу оруулдаг, сүүлийн үед багшлах үйл ажлаар дагнаад байгаа.
   
-Үнэн үү? Тэгвэл Самарын Соёлын Академийн оюутнуудад таныг сонсох боломж байгаа юм байна, яах хэрэгтэй вэ?
-Миний сайтан дээр электрон шуудангийн хаяг байгаа, түүн рүү янз бүрийн дуучид байнга бүтээлээ явуулдаг. Самараас ч гэсэн бас багагүй илгээдэг. Гэхдээ өнгөрсөн жилүүдэд миний сайт ажиллаж байхад  анхаарал татах нэг ч үнэлэмжтэй бүтээл ирээгүй. Гэсэн ч явуулж л байг, би бүгдэд хариулж, бүгдийг боломжийнхоо хэрээр сонсохыг хичээн, зөвлөгөө өгнө. Гэхдээ, хэрвээ  жүжиглэх авъяастай ч дуулах хоолойгүй бол сонгодог руу орох ямар ч хэрэггүй. Манайд эстрадаар “шулганагчид” хангалттай байгаа.

Нөгөө талаас, хэрвээ чи зорилго тавьж өөрийгөө хөглөсөн бол, байгалиас заяасан авъяастай ч гэсэн өдөр шөнөгүй ажиллах хэрэгтэй болно. Би бусадтай адилхан Хөгжмийн дээд сургуульд таван жил сураагүй, найман жил сурсан гэдгийг хүмүүс бага мэднэ! Одоо болтол би Петербургт дөнгөж очингуутаа л хичээлдээ явдаг. Үүнийг би долоо хоногт гурваас дөрвөн удаа хийхийг хичээдэг. Би өнгөрсөн хичээлээ давтаж, өөрийгөө дахин дахин төгс болгохын тулд чармайн ажилладаг.

Өөрийн төрөлх хотод ирж ээж, нэг ангийнхныхаа өмнө концерт тоглоод тэднийг ичээхгүйн тулд, олсон нэр хүндээ унагахгүй тулд, эх орноо алдаршуулахын тулд хоолойныхоо багтаамж, цар хүрээн дээр үргэлж ажилладаг.