Дамбын Хишгээ хэмээх нэрээр алдаршсан Монгол Улсан алдарт уяач Д.Хишигжаргалын хүү Х.Энхжин нь өнгөрсөн оны есдүгээр сард “Эра” төвийн багш Д.Солонгыг зодож, биед нь хүнд гэмтэл учруулсан хэрэг үйлдсэн гэгдээд буй.

Д.Солонгын хувьд Х.Энхжинг “Аавынхаа нөмөрт байдаг, юу ч хийж чаддаггүй” гэж хэлснийхээ төлөө зодуулсан гэх бөгөөд тухайн үед хохирогчийн нүүрний зөөлөн эд бяцарч эрүү нь хугарсан, мөн биеийн бусад хэсгүүд гэмтсэн байсан нь шүүх эмнэлгийн дүгнэлтээр тогтоогдсон байдаг.

Тэгвэл бусдыг зодож танхайрсан гэх Х.Энхжинд холбогдох хэргийн шүүх хурал маргааш Хан-Уул дүүргийн шүүхэд болох тов гарчээ.