Монгол Улсын гурав дахь Ерөнхийлөгч, МАХН-ын дарга Н.Энхбаяр хоригдож байгаад Ерөнхийлөгч Ц.Элбэгдоржийн уучлалаар суллагдсанаасаа хойш БНСУ-д эмчлүүлж байгаа.

Намын нөхөд нь хааяа нэг намын даргаа эргэнгээ цаашид хэрхэхээ зөвлөлдөөд ирдэг болсоор нэлээд хугацааг үдлээ. 

Тэгвэл саяхан тэрбээр Солонгосын Буддын сүмд лам, хуваргуудтай хамт долоо хоног номын дуу сонссон гэнэ.

Н.Энхбаяр өнгөрсөн оны 10 дугаар сард БНСУ-ын Буддын шашны тэргүүн хамбад бараалхаж “Монгол Улс дахь Бурхны шашин, гадаадын болон Буддын шашны тусламж, дэмжлэгтэйгээр сайн хөгжиж байгаа бөгөөд бидний энэхүү хөгжилд Солонгосын Буддын шашныхан бас тусалж өгнө үү” хэмээн хүссэн аж.