Мэргэжлийн сүмогийн дугуй дэвжээг эзэгнэх Монгол залуусыг түүчээлсэн гавъяатай Кёкүшюзан Д.Батбаяр үе үе амьдралдаа огцом өөрчлөлт хийж ард түмэнд сюрприз барьдаг.

Сүмогийн дэвжээнээс буунгуутаа УИХ-ын гишүүний ширээнд суух хүсэлтэй байгаагаа илэрхийлсэн түүнийг "Эсгий хийх газар нохой хэрэггүй гэгчээр Их хуралд сүмо бөх хэрэггүй байлгүй дээ" гэх хүн олон байсан ч 2008 оны УИХ-ын сонгуульд нэр дэвшсэн бас ялсан.

Хувийн амьдралдаа ч томоохон эргэлт хийж, хоёр хүүхдийг нь төрүүлж өсгөсөн эхнэрээ дуучин Т.Баясгалангаар сольсон. Тэдний амрагийн харьцааг удаан үргэлжлэхгүй гэсэн онош тавьж, салсан тухай мэдээг нь чих тавин хүлээж байсан хүн цөөнгүй.

Гэвч тэдний харьцаа санаснаас удаан үргэлжилж, үрийн зулай үнэрлэж холбоогоо батжуулав. Кёкүшюзаныг дуучин бүсгүйтэй дотносож эхлэхэд найзууд нь "Монголын бараг бүх эрчүүдтэй нэр холбогдсон хүүхэн шүү дээ, Дэмий юм биш үү" гэхэд Кёкүшюзан "Би Баясаагаас давж л унана уу гэхээс дутахгүй л дээ" гэж хэлсэн нь одоо ч найзуудынх нь амны зугаа болж байна.

Үнэхээр ч өөр хүүхэнтэй хийсэн сексийн бичлэгээ гар утсан дээрээ хадгалж байгаад эхнэртээ баригдсан, сүмод барилдаж байхдаа амралтаараа Монголд ирээд загвар өмсөгчдийг бөөнөөр нь авч яваад, ээлжлэн зугаацдаг байсан гээд түүний дэгдээсэн сексийн паян их гэнэ лээ.