gogo logo
  •  Мэдээ  
    •   Улс төр
    •   Эдийн засаг
    •   Эрүүл мэнд
    •   Соёл урлаг
    •   Спорт
    •   Нийгэм
    •   Бизнес
    •   Боловсрол
    •   Дэлхийд
    •   Технологи
    •   GOGO тойм
    •   SOS
    •   Нягтлав
    •   Мэддэг мэдээлдэг байя
    •   Мөрөөдлийнхөө зүг
    •   Ногоон дэлхий
  •  GoGo булан  
    •   GoGo Cafe
    •   Гарааны бизнес
    •   Соёлын довтолгоо
    •   СEO
    •   Элчин сайд
    •   GoGo асуулт
    •   МЕГА ТӨСӨЛ
    •   ГУТАЛ
    •   Хүний түүх
    •   35 мм-ийн дуранд
    •   Гаднынхны нүдээр Монгол
    •   Маргааш ажилтай
  •  Үзэх  
    •   Фото
    •   Видео
    •   Зурган өгүүлэмж
  •  Хэв маяг  
    •   Подкаст
    •   Хүмүүс
    •   Гэртээ тогооч
    •   Аялал
    •   Зөвлөгөө
    •   Хоолзүйч
    •   Миний санал болгох кино
    •   Миний санал болгох ном
  • English
  • Цаг агаар
     15
  • Зурхай
     5.20
  • Валютын ханш
    $ | 3573₮
Цаг агаар
 15
Зурхай
 5.20
Валютын ханш
$ | 3573₮
  • Мэдээ 
    • Улс төр
    • Эдийн засаг
    • Эрүүл мэнд
    • Соёл урлаг
    • Спорт
    • Нийгэм
    • Бизнес
    • Боловсрол
    • Дэлхийд
    • Технологи
    • GOGO тойм
    • SOS
    • Нягтлав
    • Мэддэг мэдээлдэг байя
    • Мөрөөдлийнхөө зүг
    • Ногоон дэлхий
  • GoGo булан 
    • GoGo Cafe
    • Гарааны бизнес
    • Соёлын довтолгоо
    • СEO
    • Элчин сайд
    • GoGo асуулт
    • МЕГА ТӨСӨЛ
    • ГУТАЛ
    • Хүний түүх
    • 35 мм-ийн дуранд
    • Гаднынхны нүдээр Монгол
    • Маргааш ажилтай
  • Үзэх  LIVE 
    • Фото
    • Видео
    • Зурган өгүүлэмж
  • Хэв маяг 
    • Подкаст
    • Хүмүүс
    • Гэртээ тогооч
    • Аялал
    • Зөвлөгөө
    • Хоолзүйч
    • Миний санал болгох кино
    • Миний санал болгох ном
  • English
gogo logo   Бидний тухай gogo logo Сурталчилгаа байршуулах gogo logo Редакцийн ёс зүй gogo logo Нууцлалын бодлого gogo logo Холбоо барих
gogo logo
Цаг агаар
 15
Зурхай
 5.20
Валютын ханш
$ | 3573₮
icon Онцлох
icon Шинэ
icon Тренд
  Буцах

Мээсэжний шүлгүүд

Соёл урлаг
2010-10-09
0
Twitter logo
0
Twitter logo
Соёл урлаг
2010-10-09
Мээсэжний шүлгүүд
Өчүүхэн би бээр хэдэн шүлэг ядан хэлхэхдээ “ъ, ь” (хатуу, зөөлөн тэмдэг гэх) хэрэглээгүй, эгшиг гээх дүрмийг баримтлаагүй.

***
Ангийн дүрсгүй охин сайхан бүсгүй болжээ
Амитан хүний нүднээс чамайгаа нуумаар санагдана
Охидын дундаас онцлоогүй онгон насаа гайхна
Одоо харин надтай дүрсгүйтэж нэг тоглооч

***
Харийн оронд одсон чамайгаа санаж  гансарна
Хамтдаа зугаалж явсан голын эрэг дээр очлоо
Хос ангир бидний дурлалын түүх шиг хөвнө
Хоёулаа хэзээ ингэж цугтаа байх юм болоо

***
Аянганд ниргүүлсэн мод салхинд яаж тэсэхэв дээ
Амрагтаа гомдсон сэтгэл мини яаж тэсэхэв дээ
Аадрын үерт дайруулсан бургас яаж тогтохов дээ
Ааш зангаа хувиргасан чи мини яаж тогтохов дээ

***
Хөзрийн мэрэгт найзтай болно гэж буулаа
Хөөрхөн төрсөн чи тэр мини биш биз?
Сарын зурхайд хайртайгаа учирна гэлээ
Сайхан төрсөн чи тэр мини биш биз?

***
Хэл сураггүй чамайг санан уйдаад ч байх шиг
Хэн нэгнийг сэтгэлдээ дүрслэн хардаад ч байх шиг
Холын уулс зэрэглээн дундаа замхраад ч байх шиг
Хонгор чи мини манан буданд төөрөөд ч байх шиг

***
Агшин төдий зугааг хөхийг чини илж мэдэрлээ
Амраг чамтайгаа амидарвал насны жаргал буй за
Эгшин зуурын цэнгэлийг энгэр зөрүүлээд мэдэрлээ
Эгнэгт хоёулаа амидарвал үүрдийн жаргал буй за

***
Сэтгэл зүрх, итгэл найдвар, буй бүхнээ
Сэргэлэн хонгор чамдаа би харамгүй өгсөн
Хайрын үг сонсох гэж л тэр шүү дээ
Харин чиний амнаас унах эсэхийг мэдэхгүй

***
Чамайг шохоорхсон харц бүрийн өмнө би буруутай
Чамайг хүссэн шунал бүрийн өмнө би буруутай
Давхраатай алаг нүдээрээ аалигүйтэж амжаагүй явахад
Давуу эрхээр хувичилж авсандаа би буруутай

***
Толгойн үснээс их ажил төрөл ундравч
Тандаа сатааран уймраад урагшлах янз алга
Хамаг хэрэгээ хойш тавиад санаа амарлаа
Хаа байгаа газар чини давхиад очиё, найз ни

***
Зүлэгт нугад зуссан зүйлийн шувууд алга
Зуслангийн үдшээр зугаацсан чи бас алга
Нүүдлийн шувуудтай буцсан чиний сураг алга
Нууцхан гуниг төрөвч  нүдэнд нулимс алга

***
Хайрын харц шидлэх олон дундаас онцгойлж
Халуун гараа сунгасан минийхээ сэтгэлийг яанам бэ
Араас чаргуулдах олон дундаас онцгойлж
Ариун биеэ өгсөн минийхээ сэтгэлийг яанам бэ

***
Омголон насандаа намайг орхиод одсон чамтайгаа
Ойр зуурхан тааралдсаар сэтгэл зүрх дэнсэлнэ
Он жилүүдийн эргэлтэнд гундаана үгүй чамтайгаа
Оройтсон хайрын болзоонд ахин дахин учрахсан

***
Хажууд чини Хан Хэнтий шиг ханхалзаж байхад мини
Хайраа хуваалцах хани чи намайг олж харахгүй байна уу
Дэргэд чини Дүнжингарав шиг дүүхэлзэж байхад мини
Дэрээ нийлүүлэх хани чи дэмий юм бодоод байна уу

***
Цээжинд чини хацраа наан янаглаж нэг зүүдэлнэ
Цаашаа бай, халууцлаа гэж эрхэлж нэг зүүдэлнэ
Даавуун хөнжилд жиндэн зүүднээс сэрэхэд, чи үгүй
Даан чиг ховор учрах тавилан заяа мини хөөрхий

***
Амар сайхан жаргах насандаа миний хонгор
Айлын хүний амидралыг нуруундаа үүрч яваа
Өвөр  дээр мини жаргах насандаа миний хонгор
Өөр хүний харцанд далидасхийж суугаа

***
Айлын охин гадаалахыг хүлээж удтал харуулдана
Аргал хормойлоод ороход ни харц  тулгарч сандарна
Саахалт айлын тооноор цэнхэр утаа суунаглана
Сайхан охин чамаар галаа мануулахыг хүснэ

***
Дээрхийн гэгээний бүтээсэн дари эхийн нэг билээ, чи
Да Винчийн дүрсэлсэн дээдэс хатадын нэг билээ, чи
Дулдуйтын Равжаагийн “Үлэмжийн чанар” билээ, чи
Дашдоржийн хүүгийн шүлэглэсэн сарангоо билээ, чи

***
Тоонот гэрт толгой холбоё гэчихээд хаачсан бэ
Тоглоом наадам эргүүлсэн Юндэн гөөгөө мини дээ
Тостой тогоонд хошуу холбоё гэчихээд хаачсан бэ
Толгойгоо сархадад мэдүүлсэн Юндэн гөөгөө мини дээ

***
Хайрын үгээ хэлэх гээд тунирхсан удаа ч байх юм
Хатуу хүтүү үгийг унагасан удаа ч байх юм
Хаврын ширүүн бороо газар дэлхийг уйлуулна
Харин маргааш ни модод ногоорч, цэцэг дэлгэрдэг ээ

 ***
Ор мөргүй одсон чинийхээ сургийг гаргаж чадсангүй
Он жилүүдийн уртад чамайгаа хүлээж тэвчсэнгүй
Омголон насны хайр оргон зайлж  оджээ
Ондоо хүний энхрийлэлд яаж л дасах юм болоо

 ***
Нэгэн шөнийн гүн нойрондоо намайг  чи зүүдлээсэй
Нэр усаар мини дуудаж танайхан бүгд мэдээсэй
Найр хуримаа хийж байна гэж зүүдлээсэй
Наддаа эрхлэн жаргаж байна гэж зүүдлээсэй

***
Шил дарсны шидэнд сэтгэл санаа сэргэнэ
Шинэхэн танил чамтай  янагийн  үг  ярилцая
Дүн өвлийн шөнийг хаана өнгөрөөнө гэхэв
Дэн буудлын орон дээр чамтай жаргаж хоноё

***
Хэрхэвч өгөөгүй хайрыг чини мөрөөднө
Хэрхэвч учраагүй хуви заяаг мөрөөднө
Хэрхэвч озоогүй уруулыг чини шимж мөрөөднө
Хэрхэвч үзээгүй биеийг чини энхрийлж мөрөөднө

***
Хааяа нэг жаргаах хайрын нууцхан сэтгэл
Хана хэрэмийг давж уулзан учрах хүсэл
Хоёрхон биенээс өөр гэрч үгүй хайр
Хорвоогийн дундуурыг дүүргэж яваа тавилан
***
Ардын дууны Сүнжидмаа шиг гунхаж яваа чи мини
Аавын хөвүүн намайгаа анзаарах сэхээгүй явна уу
Арван тавны сар шиг гэрэлтэж яваа чи мини
Андуу эндүү орчлонд амар мэнд яваасай

***
Уралдааны морид зурхайгаас эргэх мэт чам руу яарна
Усны шувууд дулаан орноо зорих мэт чам руу яарна
Уулын горхи шуугин уруудах мэт чам руу яарна
Унаа тэрэгнээс түрүүлээд сэтгэл мини чам руу яарна

***
Үс гэзэгнээс чангаан зүггүй  явсан ангийн хөвүүн
Үеийн олон дундаа ханхар сайхан эр болжээ
Гэнэ гэнэхэн учралд сэмхэн дасаад байх чини
Гэнэн багын  шоглоом  цаанаа учиртай байж дээ

***
Гоони эр миний зовлонг ойлгооч
Голт бор зүрхэндээ намайг хайрлаач
Ганц тал биеийг бүтэн болгож өгөөч
Гал халуун хайрын илчинд жаргаач

***
Харуй бүрийг мартуулах цэнгээний газар уулзая
Хатуу дарсыг шимэн хайрын үгээ ярилцая
Хөгжмийн яруу аялгуунд хөг нийлүүлэн бүжие
Хөнгөн гунигаа мартан хөөр баяраа хуваалцая

***
Ажилдаа явахад чини цаг тоолон хүлээнэ
Алс хол явахад чини өдөр тоолон хүлээнэ
Амраг чамайгаа хүлээсэн цаг хугацаа урсана
Амидрал гэдэг хүлээлэгийн танхим шиг санагдана

***
Чамтайгаа уулзалгүй зөндөө их удлаа
Чанагш холдсоор алсран одох хайр уу
Болзож учралгүй зөндөө их удлаа
Буруу зүтгэсээр хулжин одох хайр уу

***
Жаргаж байсанаа бодон за гэж хэлж чадахгүй нээ
Зовж явсанаа санан үгүй гэж хэлэе дээ
Уярч байсанаа бодон за гэж хэлж чадахгүй нээ
Уйлж явсанаа дурсан үгүй гэж хэлэе дээ

***
Олон жил уулзаагүй ангийн охин бодогдоно
Онгон багын дурсамж сэтгэлд нэг л дотно
Идэр чиг залуу насандаа учирч нэг жаргахсан
Эмгэн өвгөн болоод хүүрнэх түүхтэй байхсан

***
Нутгийн цэнхэр уулс мини намайгаа дуудав уу
Нууцхан хонгор чи мини намайгаа даллав уу
Арван жил очоогүй алтан нутгаа зорилоо
Айлын бэр болсон чамайгаа харахаар явлаа

***
Хаалга саван гараад явсан чамайгаа өрөвдөнө
Ханхай байшин сахиж үлдсэн өөрийгөө өрөвдөнө
Хэн хэнээрээ дутаж амидрах бидэн хоёр
Хэзээ хийсэн үйлийн үрээр ингэж зовно вэ
***
Тормолзон эргэлдэх алаг нүдээрээ чи мини
Тоглоом наадам хийгээд байна уу, үгүй ч юм уу
Наалинхайтан эргэлдэх алаг нүдээрээ чи мини
Надад нэг юм хэлээд байна уу, үгүй ч юм уу

***
Нэрэлхүү зантай миний хэл үг эвлээгүй
Нэдэр дээр ни чи намайг тоож хараагүй
Нэрээ хичээсэн би хайраа илчилж чадаагүй
Нэгэн хүнд хайрлуулсанаа чи ер мэдээгүй

***
Далайн чанадаас ирсэн дарсны халуунд согтсонгүй
Дэндүү янаг чиний үгэнд уярч согтлоо
Рашаан болтол нэрсэн архины халуунд согтсонгүй
Амраг хонгор чиний урууланд мансуурч согтлоо

***
Шөнийн бор хоног өнгөрлөө, чи сураггүй
Шалтаг зохиосоор ирэх чиний үг үнэмшилгүй
Өөр хүний өвөрт хоног төөрүүлнэ, чи
Өнчин дэрэнд нэвчсэн гашуун нулимс, би

***
Хэрмэл бадарчин царайлж танайхыг зорих дуртай
Хэдэн үг хэлэлцэж чамайгаа ширтэх дуртай
Хотын гудмаар зугаалж бусдад гайхуулах дуртай
Харуй бүрий болоход энхрийлэн тэврэх дуртай

***
Хаан улс миний бие сүр хүчийг үзүүлэн
Хатан улс танд хайрын дайн зарлаж байна
Дайны хөлд нэрвэгдэх танай нутаг амгалан байна
Дайлаар мордсон миний халуун цус буцалж байна

***
Салаа замын эрхээр чамаас  холдон одлоо чиг
Саран доорх хорвоод эргэн уулзах учир бий
Санаа гүйцэхгүй алсаас агаарын хөлгөөр дүүлсээр
Саахалтын газраас буцах шиг ороод ирэх өдөр бий

***
Зүйл бүрийн үгээр зүрх сэтгэлийг уяраачихаад
Зүүд нойрон дунд зүс царайгаа үлдээчихээд
Залуу халуун янаг чи залгаж барихгүй яачихав
Зав чөлөөгүй юм бол захиж хэлэхгүй яачихав

***
Цонхон дээрээ зогсон чинийхээ барааг харуулддаг
Цоожтой хаалганы хонх жингэнэн дуугарахыг хүлээдэг
Чанад холоос чинийхээ хөлийн чимээг анирддаг
Чиний зүгийн салхинд хайрын үгээ шивнэдэг

***
Наран ханхүү, саран авхай хоёр нуугдан тоглох шиг
Надаас чи мини хэчнээн жил нуугдаж тоглов доо
Насан эртэд уулзаж наадан цэнгэж суухсан
Наран саран хоёр шиг мөнх биш шүү, бидэн хоёр

***
Алдрай багаасаа тоглож өссөн чи мини явлаа
Алсад хөтлөх замыг чини ширтсээр би үлдлээ
Оодон дээлтэй нялхаасаа наадаж өссөн билээ
Оюутны хэдэн жил дэндүү урт санагданаа

***
Нарны илч шиг халуун сэтгэлээр чамайг  хайрласан
Намайг гэсэн сэтгэлийг чини зүрхээрээ мэдэрсэн
Нандин үгсийг эвлүүлж хайрын шүлэг хэлхсэн
Насан турш хамтдаа амьдрах тангараг өргөсөн

***
Навчис мөчирөөсөө салах ямар гунигтай байдгийг
Намайг чамаас холдуулсан энэ л намар мэдлээ
Нүүдлийн шувууд буцах ямар гунигтай байдгийг
Намайг чамаас холдуулсан энэ л намар мэдлээ

 ***
Золгүй гэмтсэн нэгэнээ орхиогүй хос хун Монголд өвөлжлөө
Захаасаа зайрмагтах нуурын голд хүзүүгээ ороолдон хөлдлөө
Заяа нийлсэн зүрхний амраг бидэн хоёр бас нэгэнээ орхихгүй
Зовлон жаргалыг хамтдаа эдэлсээр хос хун шиг дуусна

Галигаагийн Баярсайхан
Өчүүхэн би бээр хэдэн шүлэг ядан хэлхэхдээ “ъ, ь” (хатуу, зөөлөн тэмдэг гэх) хэрэглээгүй, эгшиг гээх дүрмийг баримтлаагүй.

***
Ангийн дүрсгүй охин сайхан бүсгүй болжээ
Амитан хүний нүднээс чамайгаа нуумаар санагдана
Охидын дундаас онцлоогүй онгон насаа гайхна
Одоо харин надтай дүрсгүйтэж нэг тоглооч

***
Харийн оронд одсон чамайгаа санаж  гансарна
Хамтдаа зугаалж явсан голын эрэг дээр очлоо
Хос ангир бидний дурлалын түүх шиг хөвнө
Хоёулаа хэзээ ингэж цугтаа байх юм болоо

***
Аянганд ниргүүлсэн мод салхинд яаж тэсэхэв дээ
Амрагтаа гомдсон сэтгэл мини яаж тэсэхэв дээ
Аадрын үерт дайруулсан бургас яаж тогтохов дээ
Ааш зангаа хувиргасан чи мини яаж тогтохов дээ

***
Хөзрийн мэрэгт найзтай болно гэж буулаа
Хөөрхөн төрсөн чи тэр мини биш биз?
Сарын зурхайд хайртайгаа учирна гэлээ
Сайхан төрсөн чи тэр мини биш биз?

***
Хэл сураггүй чамайг санан уйдаад ч байх шиг
Хэн нэгнийг сэтгэлдээ дүрслэн хардаад ч байх шиг
Холын уулс зэрэглээн дундаа замхраад ч байх шиг
Хонгор чи мини манан буданд төөрөөд ч байх шиг

***
Агшин төдий зугааг хөхийг чини илж мэдэрлээ
Амраг чамтайгаа амидарвал насны жаргал буй за
Эгшин зуурын цэнгэлийг энгэр зөрүүлээд мэдэрлээ
Эгнэгт хоёулаа амидарвал үүрдийн жаргал буй за

***
Сэтгэл зүрх, итгэл найдвар, буй бүхнээ
Сэргэлэн хонгор чамдаа би харамгүй өгсөн
Хайрын үг сонсох гэж л тэр шүү дээ
Харин чиний амнаас унах эсэхийг мэдэхгүй

***
Чамайг шохоорхсон харц бүрийн өмнө би буруутай
Чамайг хүссэн шунал бүрийн өмнө би буруутай
Давхраатай алаг нүдээрээ аалигүйтэж амжаагүй явахад
Давуу эрхээр хувичилж авсандаа би буруутай

***
Толгойн үснээс их ажил төрөл ундравч
Тандаа сатааран уймраад урагшлах янз алга
Хамаг хэрэгээ хойш тавиад санаа амарлаа
Хаа байгаа газар чини давхиад очиё, найз ни

***
Зүлэгт нугад зуссан зүйлийн шувууд алга
Зуслангийн үдшээр зугаацсан чи бас алга
Нүүдлийн шувуудтай буцсан чиний сураг алга
Нууцхан гуниг төрөвч  нүдэнд нулимс алга

***
Хайрын харц шидлэх олон дундаас онцгойлж
Халуун гараа сунгасан минийхээ сэтгэлийг яанам бэ
Араас чаргуулдах олон дундаас онцгойлж
Ариун биеэ өгсөн минийхээ сэтгэлийг яанам бэ

***
Омголон насандаа намайг орхиод одсон чамтайгаа
Ойр зуурхан тааралдсаар сэтгэл зүрх дэнсэлнэ
Он жилүүдийн эргэлтэнд гундаана үгүй чамтайгаа
Оройтсон хайрын болзоонд ахин дахин учрахсан

***
Хажууд чини Хан Хэнтий шиг ханхалзаж байхад мини
Хайраа хуваалцах хани чи намайг олж харахгүй байна уу
Дэргэд чини Дүнжингарав шиг дүүхэлзэж байхад мини
Дэрээ нийлүүлэх хани чи дэмий юм бодоод байна уу

***
Цээжинд чини хацраа наан янаглаж нэг зүүдэлнэ
Цаашаа бай, халууцлаа гэж эрхэлж нэг зүүдэлнэ
Даавуун хөнжилд жиндэн зүүднээс сэрэхэд, чи үгүй
Даан чиг ховор учрах тавилан заяа мини хөөрхий

***
Амар сайхан жаргах насандаа миний хонгор
Айлын хүний амидралыг нуруундаа үүрч яваа
Өвөр  дээр мини жаргах насандаа миний хонгор
Өөр хүний харцанд далидасхийж суугаа

***
Айлын охин гадаалахыг хүлээж удтал харуулдана
Аргал хормойлоод ороход ни харц  тулгарч сандарна
Саахалт айлын тооноор цэнхэр утаа суунаглана
Сайхан охин чамаар галаа мануулахыг хүснэ

***
Дээрхийн гэгээний бүтээсэн дари эхийн нэг билээ, чи
Да Винчийн дүрсэлсэн дээдэс хатадын нэг билээ, чи
Дулдуйтын Равжаагийн “Үлэмжийн чанар” билээ, чи
Дашдоржийн хүүгийн шүлэглэсэн сарангоо билээ, чи

***
Тоонот гэрт толгой холбоё гэчихээд хаачсан бэ
Тоглоом наадам эргүүлсэн Юндэн гөөгөө мини дээ
Тостой тогоонд хошуу холбоё гэчихээд хаачсан бэ
Толгойгоо сархадад мэдүүлсэн Юндэн гөөгөө мини дээ

***
Хайрын үгээ хэлэх гээд тунирхсан удаа ч байх юм
Хатуу хүтүү үгийг унагасан удаа ч байх юм
Хаврын ширүүн бороо газар дэлхийг уйлуулна
Харин маргааш ни модод ногоорч, цэцэг дэлгэрдэг ээ

 ***
Ор мөргүй одсон чинийхээ сургийг гаргаж чадсангүй
Он жилүүдийн уртад чамайгаа хүлээж тэвчсэнгүй
Омголон насны хайр оргон зайлж  оджээ
Ондоо хүний энхрийлэлд яаж л дасах юм болоо

 ***
Нэгэн шөнийн гүн нойрондоо намайг  чи зүүдлээсэй
Нэр усаар мини дуудаж танайхан бүгд мэдээсэй
Найр хуримаа хийж байна гэж зүүдлээсэй
Наддаа эрхлэн жаргаж байна гэж зүүдлээсэй

***
Шил дарсны шидэнд сэтгэл санаа сэргэнэ
Шинэхэн танил чамтай  янагийн  үг  ярилцая
Дүн өвлийн шөнийг хаана өнгөрөөнө гэхэв
Дэн буудлын орон дээр чамтай жаргаж хоноё

***
Хэрхэвч өгөөгүй хайрыг чини мөрөөднө
Хэрхэвч учраагүй хуви заяаг мөрөөднө
Хэрхэвч озоогүй уруулыг чини шимж мөрөөднө
Хэрхэвч үзээгүй биеийг чини энхрийлж мөрөөднө

***
Хааяа нэг жаргаах хайрын нууцхан сэтгэл
Хана хэрэмийг давж уулзан учрах хүсэл
Хоёрхон биенээс өөр гэрч үгүй хайр
Хорвоогийн дундуурыг дүүргэж яваа тавилан
***
Ардын дууны Сүнжидмаа шиг гунхаж яваа чи мини
Аавын хөвүүн намайгаа анзаарах сэхээгүй явна уу
Арван тавны сар шиг гэрэлтэж яваа чи мини
Андуу эндүү орчлонд амар мэнд яваасай

***
Уралдааны морид зурхайгаас эргэх мэт чам руу яарна
Усны шувууд дулаан орноо зорих мэт чам руу яарна
Уулын горхи шуугин уруудах мэт чам руу яарна
Унаа тэрэгнээс түрүүлээд сэтгэл мини чам руу яарна

***
Үс гэзэгнээс чангаан зүггүй  явсан ангийн хөвүүн
Үеийн олон дундаа ханхар сайхан эр болжээ
Гэнэ гэнэхэн учралд сэмхэн дасаад байх чини
Гэнэн багын  шоглоом  цаанаа учиртай байж дээ

***
Гоони эр миний зовлонг ойлгооч
Голт бор зүрхэндээ намайг хайрлаач
Ганц тал биеийг бүтэн болгож өгөөч
Гал халуун хайрын илчинд жаргаач

***
Харуй бүрийг мартуулах цэнгээний газар уулзая
Хатуу дарсыг шимэн хайрын үгээ ярилцая
Хөгжмийн яруу аялгуунд хөг нийлүүлэн бүжие
Хөнгөн гунигаа мартан хөөр баяраа хуваалцая

***
Ажилдаа явахад чини цаг тоолон хүлээнэ
Алс хол явахад чини өдөр тоолон хүлээнэ
Амраг чамайгаа хүлээсэн цаг хугацаа урсана
Амидрал гэдэг хүлээлэгийн танхим шиг санагдана

***
Чамтайгаа уулзалгүй зөндөө их удлаа
Чанагш холдсоор алсран одох хайр уу
Болзож учралгүй зөндөө их удлаа
Буруу зүтгэсээр хулжин одох хайр уу

***
Жаргаж байсанаа бодон за гэж хэлж чадахгүй нээ
Зовж явсанаа санан үгүй гэж хэлэе дээ
Уярч байсанаа бодон за гэж хэлж чадахгүй нээ
Уйлж явсанаа дурсан үгүй гэж хэлэе дээ

***
Олон жил уулзаагүй ангийн охин бодогдоно
Онгон багын дурсамж сэтгэлд нэг л дотно
Идэр чиг залуу насандаа учирч нэг жаргахсан
Эмгэн өвгөн болоод хүүрнэх түүхтэй байхсан

***
Нутгийн цэнхэр уулс мини намайгаа дуудав уу
Нууцхан хонгор чи мини намайгаа даллав уу
Арван жил очоогүй алтан нутгаа зорилоо
Айлын бэр болсон чамайгаа харахаар явлаа

***
Хаалга саван гараад явсан чамайгаа өрөвдөнө
Ханхай байшин сахиж үлдсэн өөрийгөө өрөвдөнө
Хэн хэнээрээ дутаж амидрах бидэн хоёр
Хэзээ хийсэн үйлийн үрээр ингэж зовно вэ
***
Тормолзон эргэлдэх алаг нүдээрээ чи мини
Тоглоом наадам хийгээд байна уу, үгүй ч юм уу
Наалинхайтан эргэлдэх алаг нүдээрээ чи мини
Надад нэг юм хэлээд байна уу, үгүй ч юм уу

***
Нэрэлхүү зантай миний хэл үг эвлээгүй
Нэдэр дээр ни чи намайг тоож хараагүй
Нэрээ хичээсэн би хайраа илчилж чадаагүй
Нэгэн хүнд хайрлуулсанаа чи ер мэдээгүй

***
Далайн чанадаас ирсэн дарсны халуунд согтсонгүй
Дэндүү янаг чиний үгэнд уярч согтлоо
Рашаан болтол нэрсэн архины халуунд согтсонгүй
Амраг хонгор чиний урууланд мансуурч согтлоо

***
Шөнийн бор хоног өнгөрлөө, чи сураггүй
Шалтаг зохиосоор ирэх чиний үг үнэмшилгүй
Өөр хүний өвөрт хоног төөрүүлнэ, чи
Өнчин дэрэнд нэвчсэн гашуун нулимс, би

***
Хэрмэл бадарчин царайлж танайхыг зорих дуртай
Хэдэн үг хэлэлцэж чамайгаа ширтэх дуртай
Хотын гудмаар зугаалж бусдад гайхуулах дуртай
Харуй бүрий болоход энхрийлэн тэврэх дуртай

***
Хаан улс миний бие сүр хүчийг үзүүлэн
Хатан улс танд хайрын дайн зарлаж байна
Дайны хөлд нэрвэгдэх танай нутаг амгалан байна
Дайлаар мордсон миний халуун цус буцалж байна

***
Салаа замын эрхээр чамаас  холдон одлоо чиг
Саран доорх хорвоод эргэн уулзах учир бий
Санаа гүйцэхгүй алсаас агаарын хөлгөөр дүүлсээр
Саахалтын газраас буцах шиг ороод ирэх өдөр бий

***
Зүйл бүрийн үгээр зүрх сэтгэлийг уяраачихаад
Зүүд нойрон дунд зүс царайгаа үлдээчихээд
Залуу халуун янаг чи залгаж барихгүй яачихав
Зав чөлөөгүй юм бол захиж хэлэхгүй яачихав

***
Цонхон дээрээ зогсон чинийхээ барааг харуулддаг
Цоожтой хаалганы хонх жингэнэн дуугарахыг хүлээдэг
Чанад холоос чинийхээ хөлийн чимээг анирддаг
Чиний зүгийн салхинд хайрын үгээ шивнэдэг

***
Наран ханхүү, саран авхай хоёр нуугдан тоглох шиг
Надаас чи мини хэчнээн жил нуугдаж тоглов доо
Насан эртэд уулзаж наадан цэнгэж суухсан
Наран саран хоёр шиг мөнх биш шүү, бидэн хоёр

***
Алдрай багаасаа тоглож өссөн чи мини явлаа
Алсад хөтлөх замыг чини ширтсээр би үлдлээ
Оодон дээлтэй нялхаасаа наадаж өссөн билээ
Оюутны хэдэн жил дэндүү урт санагданаа

***
Нарны илч шиг халуун сэтгэлээр чамайг  хайрласан
Намайг гэсэн сэтгэлийг чини зүрхээрээ мэдэрсэн
Нандин үгсийг эвлүүлж хайрын шүлэг хэлхсэн
Насан турш хамтдаа амьдрах тангараг өргөсөн

***
Навчис мөчирөөсөө салах ямар гунигтай байдгийг
Намайг чамаас холдуулсан энэ л намар мэдлээ
Нүүдлийн шувууд буцах ямар гунигтай байдгийг
Намайг чамаас холдуулсан энэ л намар мэдлээ

 ***
Золгүй гэмтсэн нэгэнээ орхиогүй хос хун Монголд өвөлжлөө
Захаасаа зайрмагтах нуурын голд хүзүүгээ ороолдон хөлдлөө
Заяа нийлсэн зүрхний амраг бидэн хоёр бас нэгэнээ орхихгүй
Зовлон жаргалыг хамтдаа эдэлсээр хос хун шиг дуусна

Галигаагийн Баярсайхан
Twitter logoPost
gogo logo
gogo logo   Бидний тухай gogo logo   Сурталчилгаа байршуулах gogo logo   Редакцийн ёс зүй gogo logo  Нууцлалын бодлого gogo logo   Холбоо барих

© 2007 - 2025 Монгол Контент ХХК   •   Бүх эрх хуулиар хамгаалагдсан