Эрчим хүчний зохицуулах хорооноос цахилгааны үнийг тариф тутамд нь 3 төгрөгөөр нэмэх шийдвэр гаргажээ. Шийдвэр энэ сарын 7-ноос буюу өчигдрөөс хэрэгжиж эхлэв.

• Индексжүүлэлт 1.5 төгрөгөөр,
• Сэргээгдэх эрчим хүчний тухай хуульд зааснаар дэмжих тарифыг 1.5 төгрөгөөр тус тус өссөнөөр нийт 3 төгрөгийн нэмэгдэл үйлчилж эхэллээ. 

Хэдий үнэ өссөн ч нэг өрхийн сарын цахилгааны төлбөр даруй 2 дахин өснө гэх мэтээр цахим сүлжээнд зарим иргэн ташаа мэдээлэл тарааж байгааг Эрчим хүчний зохицуулах хорооноос анхааруулан, дараах мэдэгдлийг гаргажээ. 

“Эрчим хүчний зохицуулах хорооны 92 тоот тогтоолын хавсралтыг хуурамчаар үйлдэн, засвар хийж, айл өрхийн цахилгааны тариф хоёр дахин нэмэгдсэн мэт ташаа мэдээллийг олон нийтэд түгээж байна.

Эрчим хүчний зохицуулах хорооны албан ёсны бичиг баримт засварлан, хуурамчаар үйлдэж, олон нийтийг төөрөгдүүлэх, бухимдал үүсгэх зорилгоор худал ташаа мэдээлэл түгээж байгаа нэр бүхий аккунт хаяг, пэйж хуудас, болон зарим иргэнийг холбогдох хуулийн дагуу арга хэмжээ авахуулахаар хуулийн байгууллагад хандах болно.

Хэрэглэгчид та бүхэн эрчим хүчний үнэ тарифтай холбоотой бодит мэдээллийг Эрчим хүчний зохицуулах хорооны www.erc.gov.mn сайтаас авна уу” гэсэн мэдэгдлийг Эрчим хүчний зохицуулах хорооноос гаргажээ.

ТӨВ, ЗҮҮН, ӨМНӨД БҮСИЙН ХЭРЭГЛЭГЧДИЙН ЦАХИЛГААНЫ ТАРИФ

ТӨВ, ЗҮҮН, ӨМНӨД БҮСИЙН ХЭРЭГЛЭГЧДИЙН ЦАХИЛГААНЫ ТАРИФ