-Танин мэдэхүй-

Сүүлийн үеийн судалгаагаар цаг агаарын тогтолцоонд ой мод бүр адил үүрэг гүйцэтгэдэггүй нь нотлогджээ.

Эрдэмтдийн үзэж буйгаар халуун бүс нутагт зонхилдог ой мод нь агаарыг сэрүүцүүлж байхад өндөрлөг газарт эсрэгээрээ цаг агаарын хэмийг нэмэгдүүлж дулаацуулдаг байна.

Ой мод нь бүсийн цаг агаарын өөрчлөлтөд ийн хоёр өөр төрлөөр нөлөөлдөг байна. АНУ-ын "Lawrence Livermore" үндэсний судалгааны хүрээлэнгийн судлаачид ой мод оршин тогтнож буй газрын онцлогоос хамааран цаг агаарт өөр хоорондоо ялгаатай нөлөөлдөг болохыг олж тогтоожээ.

Уг судалгааны хүрээнд бүсийн цаг уурын гажилттай тэмцэх үүднээс ялангуяа халуун бүс нутгийг ой моджуулах хэрэгтэйг сануулж байна.

Тэмээний бөхөнд юу байдаг вэ

Зарим хүмүүс тэмээний бөхөнд ус байдаг бөгөөд түүнд уусан усаа хадгалдаг гэж боддог. Харин энэ нь буруу ойлголт аж.

Тэмээний бөхөнд 30-35 кг өөх байдаг гэнэ. Тэмээ хоол ундгүй өлсгөлөн үедээ бөхөн дэх өөх тосноосоо хүчээ авдаг аж. Нөгөөтэйгүүр өөх тос нь түүнийг цөлийн халуунд тэсвэржүүлдэг аж.

Дөрвөн бөхт амьтад ус уулгүйгээр олон хоног амьдарч чаддагаараа онцлогтой. Сонирхуулахад тэдний хамрын салст нь хүнийхээс 100 дахин том гэнэ. Иймээс амьсгал авахдаа авсан агаарын чийгийн гуравны нэгийг биедээ шингээдэг байна.

Тахианы дуу илүү чанга

Өглөө эрт нар мандахаас өмнө жиргэх, донгодох дуу нь ганц тахианаас үүдэлтэй биш гэнэ. Харин чихэнд хамгийн түрүүнд тахиан донгодох дуу чимээ л сонсогддог талтай. Гэтэл энэ нь тэдний дуу бусад шувуудаас илүү чанга дуугардагтай холбоотой юм байна.   

Ерөнхийдөө байгалийн зохицлоор нар мандахаас өмнө бүхий л жигүүртэн хоор маягаар жиргэн дуу чимээ гаргадаг аж. Сонирхуулахад өглөөний цагаар шувуудын дуу хэвийн байдлаасаа илүү чангардаг аж.

Б.Туул