Хүнс Хөдөө Аж Ахуй Хөнгөн Үйлдвэрийн Яамнаас үндэсний үйлдвэрлэл эрхлэгчдийг дэмжих зорилгоор зохион байгуулсан “Монголд үйлдвэрлэв” үзэсгэлэн Сар шинийн босгон дээр “Мишээл экспо” төвд амжилттай явагдаж өндөрлөлөө.

Мэргэжлийн холбоодын нэгдсэн зөвлөлтэй хамтран зохион байгуулсан энэхүү үзэсгэлэн дөрөв дэх жилдээ зохион байгуулагдсан бөгөөд энэхүү үзэсгэлэнд хүнсний үйлдвэрүүдээс гадна арьс ширэн эдлэл, гар урлал, бэлэг дурсгалын зүйлс,  модон эдлэл гэх мэт “Үндэсний” гэх тодотголтой бүхий л бүтээгдэхүүнүүдийг дэлгэн тавьсан юм. Үзэсгэлэнгийн үеэр тухайн жилдээ зах зээлд амжилттай ажиллаж, хэрэглэгчдийн талархлыг хүлээсэн шилдгүүдийг шалгаруулдаг уламжлалын дагуу салбар болгоны шилдэгүүдийг тодрууллаа. Энэ шалгаруулалтаар зах зээлд гараад  удаагүй ч богино хугацаанд хэрэглэгчдийн таашаан сонгодог бүтээгдэхүүний нэг болж чадсан, ISO 9001:22000 стандартын дагуу үйлдвэрлэгддэг зэрэг онцгой амжилтуудаараа Жалам хар брэнд “Хүнсний салбарын шилдгийн шилдэг бүтээгдэхүүн буюу Гранпри” шагналыг гардсан байна. Хөрөнгийн сайныг сонгон исгэж хүлгийн сайнаар нэрлэн хүргэсэн энэхүү шар айраг нь 500 цаг исгэгдэж, 250 гаруй чанарын шалгуурыг даван дээд зэргийн чанартайгаар хэрэглэгчийн гарт очдог, алкоголийн харьцангуй өндөр агууламж,

алтан шаргал өнгөтэй зэргээрээ бусад шар айргуудаас нэн онцгой байдаг. Жалам хар шар айргийг үйлдвэрлэхэд дэлхийд алдартай голландын “Heineken” корпорациас хөрөнгөө сонгон авч Монгол нутгийн цэнгэг усанд арвайн соёолж, зөрөг цэцгийг хандлан исгэж үйлдвэрлэдэг байна. Ийнхүү “Монголд үйлдвэрлэв” үзэсгэлэн хөл хөдөлгөөн ихтэй болж, нийслэлчүүдэд маань үндэсний бүтээгдэхүүнээрээ сар шинийн баярын ширээгээ чимэх боломж олгосон сайхан үзэсгэлэн болж өндөрлөлөө.