Япон улсад энэ сарын 7-ны байдлаар “Супер нян”-гаар өвчилж, нас барсан хүний тоо 32-д хүрчээ. Харин уг халдвар авсан хүний тоо 100-д хүрсэн гэнэ. Харин дэлхий нийтийн хэмжээнд амиа алдсан хүний тоо 300-д хүрсэн байна.

Японы Эрүүл мэндийн яам “Супер нян”-гийн халдвар тархсаныг нэг сарын дараа мэдсэн байна. Тиймээс эмнэлгүүдэд шалгалт хийж эхэллээ. Уг нян хууч өвчтэй болон хэвтэрт байгаа хүмүүст халдварладаг гэнэ. Тиймдээ ч дархлаа муутай хүнд халдварлавал уушгины үрэвсэл, цус өтгөрөх өвчин үүсгэж, цаашилбал амь насаа алддаг байна.

“Супер нян” ямар ч төрлийн антибиотикийг эсэргүүцэх чадвартай болохыг эрдэмтэд тогтоожээ. Хэрэв нянгийн эсрэг эм бэлдмэл хэрэглэвэл тэрхүү эм нь “Супер нян” болж хувирдаг гэнэ. Тиймээс Японы Эрүүл мэндийн яам уг нянг хэрхэх талаар хэлэлцэж байна. Уг нян нь өнгөрөгч долдугаар сард Пакистан, Энэтхэг, Их Британиас илэрсэн юм.

Д.Түвшинтөр http://www.niigmiintoli.mn/