Та хөргөгчиндөө байгаа хүнсний бүтээгдэхүүний сав, баглаа, боодол дээрх шошгыг нэг шалгаад үзээрэй. Элсэн чихэр буюу sugar хэмээн бичигдсэн байгааг амархан харж болно.

Гэвч элсэн чихэрний нэршил дан ганц sugar-аар хязгаарлагдахгүй бөгөөд нийт 56 төрлийн өөр нэршил байдаг байна. Тухайлбал, “Caramel”, “Corn syrup solids”, “Brown rice syrup”, “Barley malt”, “Confectioner’s sugar”, “Demerara”, “Florida crystals”, “Muscovado”, “Golden syrup”, “High fructose corn syrup” гэх мэт маш олон янзаар нэрлэгддэг.

Дэлхий эрүүл мэндийн байгууллагаас хүний нэг өдөрт идэж болох элсэн чихэрийн хэмжээг 25 грамм хэмээн тогтоосон байна. Энэ нь нэг өдрийн хоолноос авах илчлэгийн таван хувьтай тэнцэх хэмжээний гэсэн үг. Элсэн чихэрийн хэрэглээгээ хянахын тулд цэвэр ус хэрэглэхийг санал болгож байна. Мөн хоол хүнсэндээ ногоо, өндөг, мах, жимс, самар зэргийг голлон хэрэглэх нь химийн гаралтай элсэн чихэрнээс таныг хамгаална.

Элсэн чихэрний онцлог бол ууршиж, мууддаггүй чанар. Элсэн чихэр агуулсан аливаа бүтээгдэхүүнийг удаан хугацаагаар хадгалж болдог. Тиймээс урт хугацаагаар тээвэрлэхэд ямар ч асуудал үүсэхгүй бөгөөд энэ нь эдийн засгийн хувьд үйлдвэрлэгчид тун ашигтай гэсэн үг. Тиймээс элсэн чихэрийн орц ихтэй бүтээгдэхүүнүүдийн үнэ хямд байх талтай.

Өөр бас нэгэн том шалтгаан нь элсэн чихэр хүнсэнд агуулагдах уурагтай нэгдэж маш сайхан амт, үнэрийг бий болгодог. Энэ нь хүмүүсийг донтоход хүргэдэг байна.

Г.Тэмүүлэл