Баяр наадмын өдрүүдэд Улаанбаатар хотын Замын цагдаагийн газарт нийт 831 дуудлага, мэдээ мэдээлэл хүлээн авснаас зам тээврийн ослын 568 дуудлага бүртгэгджээ.

Үүнээс гэмт хэргийн шинжтэй гомдол мэдээлэл 30 бүртгэгдэж, дөрвөн хүний амь нас хохирч, 53 хүн хүнд хөнгөн гэмтсэн байна.

Мөн согтууруулах ундааны зүйл хэрэглэсэн үедээ зам тээврийн осолд 12 жолооч, 4 явган зорчигч холбогдсон аж.

Зам тээврийн осолд сургуулийн өмнөх насны 5, сургуулийн насны 1 хүүхэд өртжээ. Согтуугаар тээврийн хэрэгсэл жолоодсон 89 жолоочийг илрүүлж, гарч болзошгүй осол хэргээс урьдчилан сэргийлсэн байна.

Харин өнгөрсөн оны баярын өдрүүдэд нийт дуудлага мэдээ мэдээлэл хүлээн 997 авснаас зам тээврийн ослын 934 дуудлага бүртгэгджээ.

Үүнээс гэмт хэргийн шинжтэй гомдол мэдээлэл 36 бүртгэгдэж, 1 хүний амь нас хохирч 57 хүн хүнд хөнгөн гэмтэж байсан байна. Зам тээврийн осолд 6 хүүхэд өртөж байсан ба согтууруулах ундааны зүйл хэрэглэсэн үедээ тээврийн хэрэгсэл жолоодож явсан 172 жолоочийг саатуулж гарч болзошгүй осол хэргээс урьдчилан сэргийлсэн байна.

Хөдөө орон нутгийн замд зам тээврийн ослын улмаас 13 хүн амь нас хохирч байсан тоон мэдээ байгаа талаар Замын цагдаагийн газраас мэдээллээ.