1.Гайхамшигт Вельвичия.
Элсэн цөлд ургадаг эл давжаа мод 2000 хүртэл насладаг. Африкийн баруун өмнө зүгийн чулуурхаг цөл бүхий нутгуудаар ихэвчлэн ургадаг байна. Богинохон хөөсөрхөг ишнээс асар том навчнууд түрэн гарсан уг ургамал ертөнцийн хамгийн гайхалтай төлөөлөгчдийн нэгд зүй ёсоор багтдаг аж.

Үлэмж том навчирхаг ургамал модтой адил настай. Навчнууд үндэснээсээ тогтмол ургасаар байдаг ч үзүүр нь мөхсөөр байдаг. Цөлийн өвөрмөц модны нэг навчны урт найман метр хүрдэг бол өргөн нь 1.8 метр хүрнэ.

2.Раффлезия.
Мөлхөө ургамлуудыг шимэгчилж амьдардаг ер бусын ургамлын төрөл. Раффлезия зүйлийн төлөөлөгчид навч, иш, үндэсгүй агаад амьдралын мөчлөгийн дийлэнх хэсгийг эзэн ургамлынхаа эд эсэн дээр өнгөрүүлдэг байна. Эл ургамал асар том хэмжээтэй цэцгээрээ ялгардаг бөгөөд хүрээ нь нэг метр хүрч, жин нь 10 кг гардаг.

3.Опунция Бижелоу.
Баавгай кактус гэгддэг эл ургамал Америкийн өмнөд нутаг болон Мексикийн баруун хойд бүс нутгаар ургадаг. Ер бусын төрхтэй эл кактус хоёр метр хүртэл өндөр ургах нь бий.

4.Үлэмж том Карнегия.
Эл кактусыг дэлхийн хамгийн гайхамшигтай ургамлын тоонд оруулсан зүйл нь түүний асар том хэмжээ. Америкийн бэлгэдэл болсон дэлхийн хамгийн том кактус 14 метрийн өндөр, гурван метр гаруй диаметртэй. Түүнээс гадна кактус 150 хүртэл насладаг.

5.Непентес /Домбон цэцэг/.
Энэ зүйлийн ургамлын дийлэнхийг "махчин" гэж тодотгож болно. Учир нь шаардлагатай тэжээлийн бодисоо "баривчилсан" хорхой шавьжнаасаа хүлээн авдаг. Заримдаа уг ургамлын урхинд харх, хулгана, шувуу орж зоог болох нь буй.

Үргэлжлэл бий