МУИС-ийн шинэ хичээлийн жилийн магистр, докторын элсэлтийн бүртгэл эхэлжээ.

Бүртгэлийг http://burtgel.num.edu.mn цахим хаягаар хүлээн авч байгаа бөгөөд ирэх сарын 24-нийг хүртэл үргэлжилнэ гэдгийг албаныхан хэлж байна. Элсэлтийн шалгалт ирэх сарын 24-31-ний хооронд явагдах аж.

“Шалгалтыг заасан хугацаанд өөрийн биеэр ирж өгнө. Шалгалтад тэнцэгч нь харъяа бүрэлдэхүүн сургуулийн сургалтын албанд очиж бүртгүүлэн, элсэлтээ баталгаажуулж сургалтын нэгдсэн цахим системд нэвтрэх эрх болон суралцах хичээл, багшаа сонгож, сургалтын суурь хураамж болон сонгосон хичээлийн төлбөрөө цахим хэлбэрээр төлнө. Хичээл ирэх есдүгээр сарын 19-нд эхэлнэ” гэж тус сургуулийн Хэвлэлийн албанаас мэдээлэв.

Б.Туул