Агаарын чанарын албанаас авсан агаарын чанарын индексийн мэдээллийг хүргэж байна.

Өглөөний 08:00 цагийн байдлаар Бөхийн өргөө, Ургах наран, Нисэх, Толгойт, МҮОНРТ, Мишээл экспо орчимд агаар “Бага зэргийн бохирдолтой” байна. Тухайлбал, Толгойтод АЧИ хамгийн өндөр буюу 140 байгаа бол Амгалан орчмын агаар хэвийн буюу АЧИ нь 52 гарсан байна.

Агаарын чанар бага зэргийн бохирдолтой үед хэт мэдрэг хүмүүсийн эрүүл мэндэд сөрөг нөлөөлөл илэрнэ. Зүрх судас, амьсгалын замын архаг өвчтэй, ялангуяа гуурсан хоолойн багтраа өвчтэй хүмүүс нөлөөлөлд илүү өртөнө.

Тиймээс зүрх, уушигны архаг өвчтэй болон өндөр настай хүмүүс даралтаа тогтмол хянаж, эмээ хугацаанд нь ууж, цэвэр агаарт салхинд гарч, нүүрстөрөгчийн дутуу исэл их хэмжээгээр гаргадаг эх үүсвэрээс (тухайлбал автозам) хол байхыг зөвлөж байна.

Эх сурвалж: agaar.mn