Apple компанийн тэргүүн Тим Күүк өнөөдөр WSJD шууд чуулганд оролцох үеэрээ ирэх долоо хоногийн даваа гаригаас эхлэн Apple TV урьдчилсан захиалга авна гэж мэдэгдлээ.

Түүнчлэн шинэ төхөөрөмжийг ирэх долоо хоногийн сүүлээр түгээж эхлэх аж. Компани өнгөрсөн есдүгээр сард шинэ төхөөрөмжөө аравдугаар сарын үед гаргана гэж мэдэгдэж байсан бол одоо албан ёсны тов зарлаж буй нь энэ юм.

Шинэ Apple TV Siri дэмждэг болж, tvOS гэдэг тусгай үйлдлийн систем дээр суурилсан бөгөөд мэдрэгч бүхий удирдлагатай болсон. 32GB загвар нь 149 ам. доллар бол 64GB загвар нь 199 ам. долларын үнэтэй байх юм.

Эх сурвалж: WSJ