Хүүхдийн тоглоомын чанар, аюулгүй байдалд дэлхий нийтээрээ анхаарлаа хандуулж, стандарт мөрддөг. 180 8124 стандартыг Хятад, Аргентин, Австрали, Бразил, Чили, Япон, Орос, Шинэ Зеланд зэрэг дэлхийн өнцөг булан бүрийн улс мөрдөж, "тэг эрсдэл" бий болгохоор ажиллаж байна.

Стандартын дагуу аюулгүй тоглоомыг гурван хэсэгт хуваан шалгадаг байна. Үүнд, механик болон биеийн талаас аюулгүй тоглоом, Галд нэвчих чадвар буюу галд түргэн автахгүй, хурдан шатдаггүй байх. Химийн найрлагын өөрчлөлтүүд буюу өнгөний элементийн хувирал зэрэг үзүүлэлтээр шалгадаг байна. 180 гэдэг учирч болох хохирлоос урьдчилан сэргийлэхэд голлох үүргийг гүйцэтгэдэг бөгөөд батлагдсан норм, стандартыг хангаж ажиллах явдал юм.

Социологичид хүүхдүүд тоглох явцдаа өөрсдийнхөө болон бусад ертөнцийг танин мэдэж, суралцаж байдаг хэмээн тодорхойлсон. Тиймээс эцэг, эхчүүд хүүхэддээ хүссэн тоглоомыг нь, өөрийн боломжид тааруулж авч өгдөг. Тоглоомын бизнес маш эрэлттэй зах зээл ч үйлдвэрлэгчид өрсөлдөөн дунд тоглоомын аюулгүй, чанартай, баталгаатай байдлыг хангаж чаддаг болов уу. 2008 онд дэлхий дээр 70 тэрбум ам.долларын тоглоомын худалдаа хийснээр энэ зах зээлийн ямархан өргөн нь харагдана.

Олон улсын тоглоом үйлдвэрлэгчдийн зөвлөлийн ерөнхийлөгч А.Рубин "Үйлдвэрлэгчдийн баримтлах томоохон чиг бол хүүхдүүдэд зориулсан ёс зүйтэй зах зээл юм" гэсэн. Үүнийг баримталдаг улс орон, үйлдвэрлэл бий ч стандарт, нормоос гадуур үйл ажиллагаа явуулдаг компани ч бий. Үүнээс үүдэн хүүхэд гэнэтийн осолд орох, амь насаа алдах тохиолдол элбэг байгаа юм. ДЭМБ-ын статистикт тэмдэглэснээр гэмтэл бэртлээс урьдчилан сэргийлэх арга хэмжээ авсан бол 1000 гаруй хүүхдийн амь насыг аварч болох байсан гэж дурджээ.

Чанарын баталгаагүй импортын тоглоомоор хүүхэд тань цаашид ч тоглосоор байх уу. Таны үргэлжлэл болсон үр хүүхдээ бид л хар тугалгаас хамгаалж чадна. Хүүхдийн хүслэнт ирээдүйг хамтдаа бүтээж, та манай уриалгад нэгдэнэ үү. Бидэнтэй "Мами поко" живх, "Петровис" компани нэгдэж, хүүхдийн төлөө "За" хэмээн хэлж байгаа билээ.

БЗД-ийн ХХ хорооны иргэн С.Алтанцаг: Тоглоомын аюулгүй байдал хүүхдийн эрүүл мэндэд тустай

-Хүүхдийн тоглоом чанар, стандартад нийцэхгүй байна. Та үүнд ямар байр суурьтай байна?
-Хүүхдийн тоглоомын чанар муу байгаа нь үнэн. Хамгийн хямд, чанаргүйг нь авчирдаг болоод ч тэр үү бараан захуудад зарагдаж байгаа нь бүр муу. Хуванцар, үслэг тоглоом их муу, хортой. Чанартай сайн тоглоом хаагуур. зарагддагийг нь мэдэхгүй юм. Гол нь манайд тоглоомын стандарт алга.

-Яах ёстой вэ. Хэрхэн хил, гаалийн хяналтыг чангатгах вэ?
-Хил, гаалиар оруулж байгаа бараа материалыг бүрэн шалгах тогтолцоо тогттол хугацаа авна. Зайлшгүй стандарт тогтоож, түүний дагуу тоглоом оруулж ирэх хэрэгтэй. Энэ нь цаашлаад үндэсний аюулгүй байдалтай холбоотой. Хараа хяналтаа сайжруулж, тус тусын статустай байгууллагууд үнэнчээр ажлаа хийх хэрэгтэй.

ШУТИС-ийн математикийн багш С.Баярсайхан: Хүүхдийг сэтгэхүйг нь хөгжүүлэх тоглоомоор тоглуулах хэрэгтэй
-Манай хүүхэд шатар тоглодог. Хүүхдүүдийг сэтгэхүйг хөгжүүлэх л тоглоомоор тоглуулах хэрэгтэй. Оньсон тоглоом сэтгэхүйг нь задалж, уран гоё бодолтууд хийлгэдэг. Хүүхдээ оньсон тоглоомоор тоглуулах нь дутмаг байна. Чанар муутай хятад тоглоом л их байна.

Сүхбаатар аймгийн иргэн Анхтуяа: Шинжилгээний бичгийг нь харалгүй л тоглоом авдаг
-Манай хүүхэд чихмэл даавуун тоглоомоор л тоглодог. Шинжилгээний бичиг харалгүй лавчихдаг нь бидний буруу. Хуванцар материалаар хийгдсэн тоглоомоос зайлсхийж даавуу, зөөлөн тоглоом авч өгдөг. Химийн хорт элементүүд хүүхдэд ямар хор нөлөөтэйг мэднэ. Чанар муутай тоглоомоор тоглуулахгүй л байхыг боддог.

Хөвсгөл аймгийн иргэн Б.Чимэдцэрэн: Тоглоом авахад гол нь сонголт
-Эвлүүлдэг тоглоомоор л тоглуулдаг байсан. Хүүхдүүд томорсон болохоор хүүхдийн тоглоомын хор хөнөөлийг сайн мэдэхгүй байна. Сэтгэхүй хөгжүүлж, оюун ухааныг нь задлах тоглоом л авч өгдөг байсан. Эвлүүлдэг тоглоом, байшин барина. Энэ л хүүхдийн оюун ухааныг задалдаг. Одоо хоёр хүүхэд маань гадаадад сурдаг.

Б.Нарангоо