Сүхбаатар аймгийн Засаг даргын тамгын газраас зохион байгуулсан хөрөнгө оруулалт, хөгжлийн чуулганы үеэр нэгэн сонирхолтой дуудлага худалдаа явагдлаа.  

Тус чуулганд оролцсон Монгол Улсын Ерөнхий сайд С.Батболдоос эхлээд гадаад дотоодын 200 орчим хүн гарын үсгээ зурсан Дарьгангын төрийн тахилгат Алтан-Овооны зургийг орой нь дуудлага худалдаанд оруулжээ.

Зургийг нэг зуун мянган төгрөгөөс эхэлж дуудсаар БНХАУ-ын Лан фан хотын аялал жуулчлалын "GM-CT" компанийн захирал Жан Шин Юань арван сая төгрөгөөр худалдаж авсан байна.

Энэхүү дуудлага худалдааны орлогыг Баруун-Урт суманд байгуулж байгаа хүүхдийн тоглоомын талбайг санхүүжүүлэхэд зарцуулах аж.

Г.Сүхээ http://www.niigmiintoli.mn/