Ерөнхий сайд У.Хүрэлсүхийн орон нутаг дахь томилолт Хэнтий аймгийн Бор Өндөр суманд үргэлжилж байна.

200 метрийн гүнд олборлолт явуулж буй энэ далд уурхайг монголчууд бие даан ажиллуулдаг.

Тус уурхай хоногт 390 тонн хүдэр олборлож байна. Хүчин чадлын хувьд жилд 300.000 тонн хүдэр олборлох хүчин чадалтай.

Уурхайд 1200 орчим хүн ажилладаг. Уурхайн ажилчдын дундаж нас 30-35 буюу харьцангуй залуужжээ. Тус уурхай өнгөрсөн онд 34 тэрбум төгрөгийн цэвэр ашигтай ажиллажээ.   

“Монголросцветмет” төрийн өмчит үйлдвэрийн газрын тус уурхай жонш, төмөр олборлодог: 

Жоншны үйлдвэрлэл - Жилд 550-600 мянган тонн хүдэр олборлох хүчин чадалтай.

Үүнд:

-Бор-Өндөрийн далд уурхай жилд 230.0 мян.тн хүдэр

-Хөшөөт, Адагийн далд уурхай жилд 150.0 мян.тн хүдэр

-Хөх Дэлийн ил уурхай жилд   60.0 мян.тн хүдэр

-Өргөний ил уурхай жилд  100.0 мян.тн хүдэр тус тус олборлох хүчин чадалтай

-Жилд 550 – 600.0 мян.тн хүдэр боловсруулж 110.0 -120,0 мян.тн ФФ-95, ФФ-97 маркийн флотацийн баяжмал үйлдвэрлэх хүчин чадалтай

Төмрийн үйлдвэрлэл - Баргилт цех

-Жилд 2.4 сая тн төмрийн хүдэр олборлох хүчин чадалтай ил уурхай

-Жилд 400,0 мян.тн хүдэр боловсруулж 180,0 мян.тн 52 хувийн агуулгатай хуурай төмрийн баяжмал үйлдвэрлэх хүчин чадалтай хуурай соронзон баяжуулах төхөөрөмж

-Жилд 550-600 мянган тонн хүдэр боловсруулж 240,0 мян.тн буюу сард 40,0 мян.тн хүдэр боловсруулж 20,0 мян тн  65 хувийн агуулгатай нойтон төмрийн баяжмал үйлдвэрлэх хүчин чадалтай.