АНУ-аас Монгол Улсад суугаа ЭСЯ виз хүсэгчдийг бодит мэдээллээр хангах, хууль бус үйлдэлд өртөхөөс хамгаалж "Зууны мэдээ" сонинтой хамтран "Нээлттэй булан" хотлон явуулах болсоор багагүй хугацаа өнгөрч байна. Виз хүсэгчид сонирхсон асуултаа 7011-6004,8808-3888 дугаарт болон аriuка_еnh@уаhоо.соm хаяг руу илгээх боломжтой. АНУ-д амьдарч, сурахыг хүсэгчид сүүлийн жилүүдэд эрс нэмэгдэж байгаатай холбогдуулан АНУ-ын ЭСЯ-ны Консулын ажилтан манай уншигчдын асуултад хариулж байна.

-Би арван жилийн визтэй. Гэтэл паспортыг маань хадгалж байсан хүмүүс гэмтээчихсэн. Иймд шинэ паспорт авсан. Тэгэхээр энэ хоёр паспортаараа визэнд орохгүйгээр явж болох уу?
-Таны албаны паспортын зураг, гол нүүр хуудас зэрэг нь гэмтээгүй бол та энэ паспортаараа Америк руу аялж болно. Таны шинэ паспорт визгүй тул та шинэ хуучин хоёр паспортаа авч яваарай. Хэрвээ та зөвхөн шинэ паспортаа авч явах хүсэлтэй байвал дахин шинээр виз мэдүүлж, хуучин паспорт дахь визээ хүчингүй болгуулах хэрэгтэй.

-Миний паспортын хуудас дууссан. Өмнө нь би богино хуга-цаагаар АНУ яваад хугацаандаа ирж байсан. Дахин виз мэдүүлэхээр бол хуучин паспортаа авч орох шаардлагатай юу?
-Визний шалгуур хангаж байгаа эсэхийг маш олон төрлийн зүйлээр тодорхойлдог бөгөөд урьд нь АНУ явж байсан эсэх нь зөвхөн нэг шалгуур болдог. Бид виз олгохдоо таныг цагаачлаад үлдэхгүй гэдгийг харахаас гадна бас таны амьдардаг газар хаана байгаа нь их чухал. Хэрвээ жилийн ихэнх хугацааг АНУ-д өнгөрүүлсэн бол хэдийгээр та хугацаа хэтрүүлж байгаагүй ч таныг АНУ-д амьдрах хүсэлтэй байгааг харуулж, энэ нь визний шийдвэрт давхар нөлөөлнө гэдгийг анхаарна уу.

-Би төрийн албанд ажилладаг. Жолоочдоо итгээд түүнийг мэргэжилтэн гэх хуурамч албан бичгээр АНУ руу явуултал тэр эргэж ирээгүй. Бид хугацаандаа ирэх байх гэж итгэж байсан. Одоо намайг АНУ явахад энэ бүхэн нөлөөлөх үү?
-Таны нөхцөл байдлыг яг нарийн сайн мэдэхгүй байгаа болохоор зөвлөгөө өгөхөд хэцүү байна. Хэрэв таны хуурамч мэдээлэл бүрдүүлэлцэж өгсөн нь манай системд орсон байвал таны виз авах магадлалд нөлөөлөх болно. Таны мөнгө авсан эсэхээс хамаарахгүйгээр виз мэдүүлэхдээ хуурамч баримт ашиглах нь АНУ-д гэмт хэрэгт тооцогддог бөгөөд энэ нь зохих ял шийтгэлтэй байдаг. Бид виз мэдүүлэгчиддээ аль болох худал ярихгүй, нөхцөл байдлаа үнэн зөв тайлбарлахыг сануулмаар байна. Учир нь худал ярих нь ноцтой үр дагавартай бай-даг. Үнэн ярих нь өнөөдөр визний татгалзалд хүрэх магадлалтай ч худал ярих эсвэл бусдад худал ярихад туслах нь АНУ явах эрхээ бүрмөсөн хасуулахад хүргэх талтай.

-Би АНУ-ын консулд дөрвөн ч удаа виз мэдүүлсэн. Заасан хуга-цаанд бичиг баримтаа бүрдүүлээд л өгдөг. Гэвч надад ер итгэж виз олгохгүй юм. Банкны дансны хуулга, автомашины бүртгэл гээд санхүүгийн байж болох баримтуудаа уг нь өгдөг шүү дээ?
-Виз авахад дан ганц бичиг баримтанд тулгуурлана гэж байдаггүй. Консул нь виз мэдүүлэгчдийн тухай мэдээлэл, явж байгаа шалтгаан зэргийг ярилцлагын үеэр тодорхойлж АНУ-ын хуулийн дагуу визний шалгуур хангаж байгаа эсэхийг харгалзан шийдвэрэл гаргадаг.

-Надад америк найз олон бий. Би амьдралын боломж сайн биш ч найзууд маань АНУ авч явна гэдэг. Америк найзууд маань захидал явуулбал визний шалгуурт нөлөөлөх үү?
-АНУ-ын цагаачлалын хуулийн дагуу бол та АНУ-д богино хугацаагаар байж байгаад Монголд эргэж ирнэ гэдгээ Консулд батлан харуулах хэрэгтэй. Консул нь гуравдагч этгээдээс тухайн виз мэдүүлэгчийн эргэж ирнэ гэсэн ямар нэгэн батлан даалтыг хүлээж авдаггүй. Ярилцлагын үеэр Консул таны нөхцөл байдлыг ойлгохол Нэмэр болох гэж үзсэн материалуудыг та авчирч болох ч найз нарын явуулсан захиа дангаараа бол визний шийдвэрт нөлөөлөхгүй.

- Америк хүнд хүүхдээ үрчлүүлэх бодол төрөх боллоо. Охиноо үрчлүүлэх сайн хүн олохын тулд та бүхэнд хандаж болох уу?
-АНУ-ын ЭСЯ нь америк иргэдийн өргөж авсан хүүхдийн цагаачлалын виз олголтыг хариуцдаг. Харин үрчлэлтийн асуудалд ямар нэгэн оролцоо байдаггүй юм. Та энэ талаар өөрийн улсын холбогдох байгууллагуудтай холбоо барих хэрэгтэй.

-Би их сургуулиа төгсөөд АНУ-д сурах сонирхолтой. ЭСЯ-ны зүгээс зөвлөх боломж бий юу?
-АНУ-ын ЭСЯ америк дахь ямар нэгэн сургуулийг санал болгодоггүй. Оюутнуудад 1-20 маягтыг олгоход тусладаг байгууллагууд нь ихэвчлэн тухайн сургуулиудтай санхүүгийн гэрээтэй байдаг. Нэгэнт ийм байгууллагуудад хандах шаардлагагүй тул шууд интернетээр өөрөө судалсан нь дээр байх. Хаана ямар чиглэлээр сурмаар байгаагаа шийдчихсэн тохиолдолд таны өмнө маш олон сургуулиудын сонголт байх болно. Амжилт хүсье.

-Удахгүй би АНУ руу олон улсын үзэсгэлэнд явна. Хүү маань англи хэлний сургуульд сурдаг, надаас илүү англиар ярьдаг. Иймд би хүүгээ орчуулагчаар авч явж болох уу?
-Хүүхэд нь Монголд сурдаг бол зохих визээ мэдүүлээд хамт явахад болно. Гэхдээ таны хүүхэд Цагаачлалын бус виз авах шалгуур хангасан байх ёстойг анхаарна уу. Түүнээс биш зөвхөн танд орчуулга хийнэ гэсэн нь виз олгох шалтгаан болохгүй.

-АНУ руу нэвтрэх эрхийг хил дээр цагаачлалын алба шийддэг юм билээ. Тэдний өгсөн хугацаанд байгаад ирье гэхээр та бүхний олгосон визний хугацаанд байх естой гэх юм. Энэ хоёр зөрчилдөж байгаа юм биш үү?
-Хоёуланг нь дагах хэрэгтэй. Виз олгосон өдөр ЭСЯ таны визийг баталсан өдөр гэсэн үг. Таны визний дуусах хугацаа нь Америкийн хилийг хуулийн дагуу нэвтэрч, Америкт орох эрх хүсэх эцсийн өдрийг заадаг. АНУ-ын хил дээр цагаачлалын албанаас танд олгосон хугацаа нь АНУ-Д байж болох хугацааг хэлж байгаа юм.

-АНУ-ын виз зуучлагчдад хандаад эгч маань явж чадаагүй. Одоо бичиг баримтаа бүрдүүлээд орвол үнэхээр хүнд итгээд алдсан гэдгийг ойлгож виз олгох болов уу?
-Виз зуучлагчдад хандах нь зөв санаа биш. Ялангуяа танд өргөдлийн маягт дээрээ худал мэдээлэл бөглөхийг санал болгож байгаа эсвэл таны өмнөөс. хуурамч материал бүрдүүлж байгаа хүмүүст хандах нь буруу зүйл. Уг мэдээлэл нь манай системд орж хадгалагддаг. Хэрэв таны эгч дахиж виз мэдүүлбэл ярилцлагын үеэр өмнөх визний мэдүүлгийнхээ талаар дэлгэрэнгүй тайлбарлахад бэлэн байх хэрэгтэй. Хэдий өнөөдөр үнэн зөв мэдээлэл өгөөд татгалзуулах явдал байдаг ч худал мэдээлэл бүрдүүлэх нь АНУ зорчих эрхээ бүрмөсөн хасуулахад хүргэдэг гэдгийг санаарай. Танай эгчийн нөхцөл байдлыг нарийн мэдэхгүй учраас визний шийдвэр яаж гарахыг одоогоор хэлж мэдэхгүй байна.

-Манай хүү АНУ-ын жуулчлалын визтэй. Одоо сургалтын виз авах гэж байгаа. Тэгэхээр сургалтын виз авахад жуулчлалын виз нь хүчингүй болох уу?
-Сургалтын виз авахад жуулчлалын визийг хүчингүй болгохгүй. Иймд сургалтын визний хугацаа дуусахад таны хүүгийн жуулчлалын виз хүчинтэй хэвээр байвал энэ визээ ашиглаж зуучилж болно.

-Виз мэдүүлэхийн өмнө өөрийгөө тэнд үлдэх шаардлагагүйг нотлох бүхий л баримт бичгээ урьдчилан өгч болох уу?
-Цагаачлалын бус виз мэдүүлэгч хүн бүр визний мэдүүлгийн 08-160 шинэ маягтыг онлайнаар заавал бөглөх шаардлагатай болсон. Та энэ маягтыг бөглөхөд ярилцлагад орохоос өмнө консул мэдээлэлтэй. тань танилцах боломжтой. Ярилцлаганаас өмнө ямар ч баримт бичиг хүлээж авахгүй. Өнөөдрөөс эхлэн манай http://usembassy.mongolia.gov хаягаар орж DS-160 маягтыг хэрэглэж эхлээрэй.

Д.Ариунаа