Монголын ард түмний сэтгэлд хоногшсон дуунуудын нэг бол XX зууны манлай дуу "Халуун элгэн нутаг" билээ. Нэрийг дурдахад л аманд аялагдах тус дуугаар манай улсад ажиллаж, амьдарч буй гадаад багш нар Монголын ард түмэнд мэндчилгээ дэвшүүлснийг хүргэж байна.

Тус уран бүтээлийг Монгол Улсын Соёлын Гавьяат Зүтгэлтэн Жамцын Бадраагийн шүлгээр, Монгол Улсын Ардын Жүжигчин хөгжмийн зохиолч Цэгмидийн Намсрайжав аяыг бичин, 1971 онд Төрийн шагнал хүртсэн.

1999 онд "Зууны мэдээ" сониноос явуулсан санал асуулгаар энэ дуу XX зууны манлай болжээ.

Эх орондоо хайртай хүн бүхний зүрх сэтгэлээс уяатай тус дуу зөвхөн Монголд бус Халимаг, Буриад, Өвөр Монголд дуулагдан, Монгол туургатны сүлд дуу болсон бөгөөд дуунд зориулан хөшөө босгосон билээ.

Элэг зүрхнээс уяатай
Энхрий Монгол нутаг минь
Эцэг эхээс заяатай
Эрдэнийн алтан өлгий минь
  Цэцгийн шимийг тэтгэсэн
  Цэнгэлийн хавар айлчилхад
  Мөрөн гол нь дуугаа дуулж
  Мөнх сарьдаг нь мишээдэг ээ
Сэрүүн салхи сэвсүүлсэн
Хацар нүүрийг илбэн байж
Сэтгэл дотрыг ариулсан
Халуун элгэн нутаг минь...гэж дуунд өгүүлдэг. Монголчууд эрхэм хүндэт, үнэ цэнтэй бүхнээ элэг зүрхтэйгээ холбож илэрхийлдэг билээ.

Элэг зүрхнээс уяа
Энхрий Монгол нутаг минь...