Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
1
“Сүү” хувьцаат компанийн сүүний үнэ өнгөрсөн долоо хоногт нэмэгдсэн талаар хэрэглэгчид шүүмжилж байна. Бүтээгдэхүүнийхээ үнийг яагаад нэмэх болсон талаар тус компанийн Маркетинг, борлуулалт хариуцсан дэд захирал М.Болодоос тодрууллаа.
-Танай компанийн үйлдвэрлэдэг “Миний Монголын сүү”-г “Номин” супермаркетад өмнөхөөс нэмж 2349 төгрөгөөр худалдаж байна. Сүүнийхээ үнийг яагаад нэмэх болов?
-Валютын үнийн өсөлт, шингэн сүүний гарц багасаж, үнэ нь нэмэгдсэнтэй холбоотой сүүний үнийг нэмэхээс аргагүй болсон. Манайх сав, баглаа, боодлоо гаднаас авдаг. Тиймээс өнгөрсөн долоо хоногт бүх төрлийн сүүнийхээ үнийг төгрөгөөр нэмсэн.
-Танай сүүнүүд үйлдвэрээс ямар үнээр гардаг вэ?
-Миний Монголын сүү 3.2 хувийн тослогтой нь 2000, дөрвөн хувийн тослогтой нь 2050, шууд ууж хэрэглэдэг 0.1 хувийн тослогтой сүү 1750 төгрөг, ууттай “Элекстр” сүү 850 төгрөгийн үнэтэй байгаа.
Дэлгүүрүүд манай бүтээгдэхүүнийг ямар үнээр худалдаж байгааг бид мэдэхгүй. Шударга өрсөлдөөн, хэрэглэгчийн төлөө газраас үйлдвэрийн үнээс 20 хувиас дээш хэмжээгээр нэмж болохгүй гэсэн шаардлага тавьдаг.
-Үйлдвэрүүд бүгд хуурай сүү найруулан савладаг гэсэн нийтлэг шүүмжлэл байдаг. Энэ талаар та юу хэлэх вэ?
-Манай компанийн хувьд түүхий эдээ малчдын хотоор явж цуглуулдаг. Одоо сүүний гарц багассан, 5-10 литрийг бага гэлгүй Батсүмбэр, Сэлэнгэ, Зүүнхараагаас машинаар явж, сүүгээ цуглуулж байна.
Үнээний цэвэр сүү учраас масло, зөөхийгөө гаргана, хорхой ааруул, аарц гээд сүүгээр хийж болох бүхий л төрлийн цагаан идээг үйлдвэрлэж байгаа. Тэгэхээр манай бүтээгдэхүүний чанарт эргэлзэх хэрэггүй.
Аливаа бизнесийн байгууллага ашигтай ажиллаж байж цаашдын хэвийн үйл ажиллагаа нь хангагдах ёстой. Бүтээгдэхүүний үнийг 50, 100 төгрөгөөр нэмэхэд хэрэглэгчид, тэтгэврийн эмээ, өвөө нарт мэдрэгддэг учир үнэд төдийлэн өөрчлөлт оруулдаггүй, алдагдал хүлээсээр ирсэн.
Энэ удаа сүүний гарц багассан дээр малчид литр сүүнийхээ үнийг нэмсэн тул бүтээгдэхүүнийхээ үнийг нэмэхээс аргагүйд хүрснийг хэрэглэгчид ойлгоосой. Урин дулаан болоход сүүний гарц сайжрахад бүтээгдэхүүний үнэ буурна. "Сүү" хувьцаат компани ижил төрлийн үйлдвэрлэгчдээс хамгийн сүүлд бүтээгдэхүүнийхээ үнийг нэмсэн гэв.
“Сүү” хувьцаат компанийн сүүний үнэ өнгөрсөн долоо хоногт нэмэгдсэн талаар хэрэглэгчид шүүмжилж байна. Бүтээгдэхүүнийхээ үнийг яагаад нэмэх болсон талаар тус компанийн Маркетинг, борлуулалт хариуцсан дэд захирал М.Болодоос тодрууллаа.
-Танай компанийн үйлдвэрлэдэг “Миний Монголын сүү”-г “Номин” супермаркетад өмнөхөөс нэмж 2349 төгрөгөөр худалдаж байна. Сүүнийхээ үнийг яагаад нэмэх болов?
-Валютын үнийн өсөлт, шингэн сүүний гарц багасаж, үнэ нь нэмэгдсэнтэй холбоотой сүүний үнийг нэмэхээс аргагүй болсон. Манайх сав, баглаа, боодлоо гаднаас авдаг. Тиймээс өнгөрсөн долоо хоногт бүх төрлийн сүүнийхээ үнийг төгрөгөөр нэмсэн.
-Танай сүүнүүд үйлдвэрээс ямар үнээр гардаг вэ?
-Миний Монголын сүү 3.2 хувийн тослогтой нь 2000, дөрвөн хувийн тослогтой нь 2050, шууд ууж хэрэглэдэг 0.1 хувийн тослогтой сүү 1750 төгрөг, ууттай “Элекстр” сүү 850 төгрөгийн үнэтэй байгаа.
Дэлгүүрүүд манай бүтээгдэхүүнийг ямар үнээр худалдаж байгааг бид мэдэхгүй. Шударга өрсөлдөөн, хэрэглэгчийн төлөө газраас үйлдвэрийн үнээс 20 хувиас дээш хэмжээгээр нэмж болохгүй гэсэн шаардлага тавьдаг.
-Үйлдвэрүүд бүгд хуурай сүү найруулан савладаг гэсэн нийтлэг шүүмжлэл байдаг. Энэ талаар та юу хэлэх вэ?
-Манай компанийн хувьд түүхий эдээ малчдын хотоор явж цуглуулдаг. Одоо сүүний гарц багассан, 5-10 литрийг бага гэлгүй Батсүмбэр, Сэлэнгэ, Зүүнхараагаас машинаар явж, сүүгээ цуглуулж байна.
Үнээний цэвэр сүү учраас масло, зөөхийгөө гаргана, хорхой ааруул, аарц гээд сүүгээр хийж болох бүхий л төрлийн цагаан идээг үйлдвэрлэж байгаа. Тэгэхээр манай бүтээгдэхүүний чанарт эргэлзэх хэрэггүй.
Аливаа бизнесийн байгууллага ашигтай ажиллаж байж цаашдын хэвийн үйл ажиллагаа нь хангагдах ёстой. Бүтээгдэхүүний үнийг 50, 100 төгрөгөөр нэмэхэд хэрэглэгчид, тэтгэврийн эмээ, өвөө нарт мэдрэгддэг учир үнэд төдийлэн өөрчлөлт оруулдаггүй, алдагдал хүлээсээр ирсэн.
Энэ удаа сүүний гарц багассан дээр малчид литр сүүнийхээ үнийг нэмсэн тул бүтээгдэхүүнийхээ үнийг нэмэхээс аргагүйд хүрснийг хэрэглэгчид ойлгоосой. Урин дулаан болоход сүүний гарц сайжрахад бүтээгдэхүүний үнэ буурна. "Сүү" хувьцаат компани ижил төрлийн үйлдвэрлэгчдээс хамгийн сүүлд бүтээгдэхүүнийхээ үнийг нэмсэн гэв.