Эх хүүхдийн эрүүл мэндийн талаар олон ном худалдаанд зарагддаг боловч дийлэнх нь орчуулгын ном байдаг. Харин Зинт клиникийн үүсгэн байгуулагч, хүүхдийн эмч, АУ-ны доктор, профессор Т.Навчаа, хүүхдийн мэс заслын эмч, МУ-ын төрийн шангалт, АУ-ны доктор, профессор  М. Түмэннасан нар “ХҮҮХЭД ба ГЭР БҮЛ” номыг туурвиж худалдаанд гаргасан нь эцэг эхчүүдийн талархалыг хүлээгээд байна.

Нотолгоонд суурилсан орчин үеийн анагаах ухааны мэдээлэл, өөрсдийн мэдлэг, туршлага дээр үндэслэн бичсэн уг ном нь “Өсөлт хөгжил”, “Өвчин эмгэг”, “Түгээмэл асуулт, цуу яриа” гэсэн гурван бүлэгтэй ажээ. 100 хуудас бүхий энэхүү номонд:

• 93 зөвлөгөө
• 19 түгээмэл асуултын хариулт
• 21 цуу ярианы тайлбар
• 110 гаруй зураг агуулагдсан байна.

“ХҮҮХЭД ба ГЭР БҮЛ” номноос 5 хүртэлх насны хүүхдийн өсөлт хөгжил, тэдэнд зонхилон тохиолдох өвчин эмгэгийн талаарх зөвөлгөөг авах ажээ. Жишээ нь:

• Нярай хүүхэд яагаад уйлдаг вэ?
• Тархины даралт гэж ямар өвчин бэ?
• Хүүхэд яагаад арагшаа нумагдаг вэ?
• Хөлрөх нь рахит/сульдааны шинж мөн үү?
• Хүүхдээ уушгины хатгалгаагаар өвчилснийг хэрхэн мэдэх вэ?
• Хүүхдийн шодой хэзээ шамрагдах вэ?
. Хатиг/Парапроктит дахидаг уу?
• Антибиотик эмчилгээ ямар дашрамын нөлөөтэй вэ?
• Томуугийн вакцин ханиаднаас сэргийлэх үү?
• Наранд шарах нь чийрэгжүүлэлт мөн үү?
• Хүүхэд халуурах нь аюултай юу?
зэрэг олон асуултын дэлгэрэнгүй хариуг авах болно.

Энэхүү номноос хүүхэд бүр давтагдашгүй өөр болох, хүүхэд яагаад худлаа хэлдэг, яаж ах/эгч дүү нарыг хоорондоо муудалцахыг багасгах, хүүхдээ цочир уурласан үед ямар арга хэмжээ авах болон цэцэрлэг, сургуульд хэрхэн бэлтгэх зөвөлгөөг уншаарай. Мөн сүүлийн үед манай нийгэмд хурцаар тавигдаж буй хүчирхийллийн хүүхдийн эрүүл мэндэд үзүүлэх ойрын болон хожмын хоруу нөлөөг уухаарч ойлгох болно.

Хүүхэд ба гэр бүл номыг уншсанаар “тархи хөдлөхөд хүүхэд суулгадаг”, “жижиг зулайтай хүүхдэд Д аминдэм уулгах ёсгүй”, “сэрээ булчирхай том байх нь амь нас, эрүүл мэндэд сөрөг нөлөөтэй”, “унтахдаа шилээ шөргөөх нь тархины даралтын шинж” зэрэг буруу ойлголт, цуу ярианы шинжлэх ухаанч няцаалт, хамгийн өндөр нотолгоотой тайлбарыг мэдэж авах боломжтой гэж Т.Навчаа эмч номны нээлтийн үеэр хэлсэн үгэндээ дурьдсан юм.

Энэхүү номын үнэ 20000 төгрөг бөгөөд

Улаанбаатар хотод:

• Улсын Их дэлгүүрийн номын тасаг, Интерном дэлгүүр
• Зайсангийн Будда Виста дахь Elle Ettoi Children`s Store
• Интермед эмнэлэг
• Гэрээр хүргэх үйлчилгээ (99010011)

Дархан хотод: “Номын ундраа” дэлгүүр – 99008631, 99408631

Эрдэнэт хотод: Үйлчилгээний төвийн “Билэг” номын дэлгүүр 9955334

Харин Вива Сити дэх ЗИНТ клиник дээрээ 15.000 төгрөгөөр худалдаалж байгаа юм байна.