“Дээд Гэгээн пикчерс” компанийн ээлжит бүтээл "Амьдрал нулимсанд дургүй” уран сайхны кино нээлтээ хийхэд бэлэн болжээ.

Киноны ерөнхий найруулагчаар Ц.Энхцогт ажиллажээ. Тус кинонд ямар ч үед хүн чанараа гээлгүй тэвчээр, ухаан, хайраар амьдралыг туулах эгэл бүсгүйн тухай өгүүлнэ. Киноны гол дүр болох Юмжирийн дүрийг жүжигчин А. Туяа бүтээж, дүрүүдэд Б.Батзаяа, Ж.Оюундарь, Ц.Төмөрхуяг, Р.Баттогтох нарын уран бүтээлч тогложээ. Тус кино маргааш нээлтээ хийж “Тэнгис”, “Өргөө”, “Соёмбо” кино театрын дэлгэцээр үзэгчдийн хүртээл болох юм байна.

Ж.Болор