Өнгөрсөн долоо хоногт болсон Content Summit 2015-ын хүрээнд Монголд өнөөдөр контент бүтээж байгаа хувь хүн, аж ахуй нэгжүүд цугларч хамгийн тулгамдаж байгаа асуудлыг ярилцсан төдийгүй, хэрхэн дэлхийд өрсөлдөх тухай хэлэлцсэн юм.

Мэдээж хэрэг юуны түрүүнд бид хамгийн чанартай контентыг бүтээж байж дэлхийд өрсөлдөх тухай ярина. Тэгвэл чанартай болон сайн контент гэж юуг хэлэх талаар О телевизийн захирал Б.Бат-Оргилтой ярилцлаа.

Тэрээр "Сайн контент гэдэг зорилгоо биелүүлсэн контентыг хэлнэ. Тиймээс өөр өөр зорилготой контентуудыг хооронд нь уралдуулах нь утгагүй" гэсэн юм.