Нүүрлээд буй дэлхийн санхүүгийн хямрал нь бараа таваарын солилцоог хийхэд хүргээд байна. Дэлхийн зарим улс орнуудын Засгийн газрын хооронд хүнсний бартерийн гэрээ хэлэлцээр хийгдэж эхэллээ. Энэ мэдээллийг Financial Times сонинд бичжээ. Одоогийн байдлаар ОХУ, Малайз, Вьетнам, Марокко улс цагаан будаа, ургамлын тосны бартерийн гэрээгээ хийгээд амжжээ. Эх сурвалжийн бичсэнээр зарим улс орнуудын бартерийн гэрээ нь хэдэн сая долларт багтсан байна.

Тус сонинд дурдаж буйгаар Иордан, Сири, Хойд Солонгос, Куба болон Филиппин улс бартер гэрээ хийх сонирхолтой байгаа гэнэ. Шинжээчдийн үзэж байгаагаар цаашид бартер худалдаа хийх улс орнууд улам нэмэгдэнэ гэж тооцжээ.

Бартер солилцоо нь худалдааны нэг хэлбэр бөгөөд хэзээ ч байсаар ирсэн билээ. Жишээлбэл, БНХАУ сүүлийн жилд Африкийн улс орнуудад экспортын худалдаагаа энэ хэлбэрээр явуулсаар байна. Бээжин нефть, эрдэс баялаг болоод загас зэргийг бартераар худалдаж авдаг аж. Тэгвэл Замби улс зэс гаргадаг бол Зимбабве байлдааны онгоцоор цайр болон хөнгөн цагаанаар солилцоо хийдэг байна.