A-Sound хамтлаг. Буурьтай, дөлгөөхөн, уйтгартай ч гэмээр залуус. Тэд тун удахгүй тоглолтоо хийх гэж байна. Харин тэдний хувьд тасалбарын борлуулалт тийм сонин биш. Тэр бүү хэл “Release” цомог нь хэрхэн борлогдож байгааг ч сонирхдоггүй. Яагаад гэж үү. Тэдэнд ганц л зүйл сонин. Тэр бол хөгжим. Бэлтгэлийн өрөөндөө бүхий л өдрийг өнгөрөөж, зүрх сэтгэлээсээ гарах хөг хэмнэлийг амилуулж суухдаа дуртай.

Үнэхээр сэтгэлийн гүнээс гарсан бүхэн хүнд хүрдэгчлэн “A-Sound” хамтлаг ч гарч ирээд удалгүй олон залуусын сонсох дуртай хамтлагийн нэг болсон юм. Гишүүдийнх нь дийлэнх нь загасны ордныхон байдаг энэ хамтлагийнхантай яриа өрнүүлэхэд тийм ч амар биш. Тэд дуугүй талдаа. Харин магадгүй хөгжмөөр ярилцвал тэд дуртайяа хамаг бүхнээ дэлгэх биз.

Ингээд тус хамтлагийнхны тоглолтын бэлтгэлийн өрөөнд нь очиж ярилцсанаа та бүхэнд хүргэж байна. Холбоотой мэдээнээс хүлээн авч үзнэ үү.

Мөн та хүсвэл борлуулалтаараа тэргүүлж буй “A-Sound” хамтлагийн “Release” цомгийн дуунаас энд дарж худалдан авах боломжтой.

Бэлтгэсэн: О.Ариунбилэг, А.Ариунболд, Б.Батхүлэг