Цагдаагийн байгууллагад энэ сарын 13-ны өдрийн 09.00 цагийн орчимд "Сонгинохайрхан дүүргийн 15 хорооны нутаг дэвсгэрт байрлах Уламжлалт анагаах ухааны элэг судлалын клиник төвд ажил хүлээлцэх гээд иртэл оруулахгүй маргаан болоод байна" гэх дуудлага мэдээлэл иржээ.

Энэ талаар ЦЕГ-ын Хэвлэл мэдээллийн төвөөс “Дээрх асуудалтай холбоотой бусдын биед халдаж зодсон, гэмтэл учруулсан зүйл тогтоогдоогүй бөгөөд асуудлыг тал бүрээс нь бүрэн бодитой тогтоох зорилгоор шалгалтын ажиллагааг харьяа дүүргийн цагдаагийн хэлтсээс үргэлжлүүлж байна” гэж мэдээлэв.

Уламжлалт анагаах ухааны Элэг судлалын клиник төвд менежментийн хувьчлалын маргаан үүсээд буй юм байна.