Говийн мазаалай баавгайг хамгаалах чиглэлээр техникийн туслалцаа үзүүлэх төсөл 2019-2023 онд хэрэгжсэн бөгөөд энэ төсөл дээр Монгол, БНХАУ-ын мэргэжилтнүүдийн хамтарсан багийнхан ажиллажээ.

Судлаач Н.Жавхлан, Мазаалай нь хармаг, бажууны үндэс, шивлээхэй зээргэнээр голлон хооллодог. Бид эдгээр ургамлын нөөц, тархац, уур амьсгалын өөрчлөлтийн нөлөө эдгээр ургамалд хэрхэн нөлөөлөх, эдгээр ургамал хэрхэн шилжих талаар судаллаа.  

Нийт газар нутагт хармагийн тархац харьцангуй өндөр, үүний дараа бажууна, шивлээхэй гэсэн тархацтай. Зүйлээр нь салгаж үзвэл шивлээхэй зээргэнэ Атас, Ингэст хамгийн өндөр тархацтай, хармагийн төрлийн ургамал нь Атас, Ингэс, Цагаан богдын бүсэд хамгийн өндөр тархацтай байна.

Эдгээр ургамлын ургалтад хүйтний улирлын хур тунадас ихээр нөлөөлдөг гэсэн үр дүн гарсан. Эдгээр ургамлын тархац нутаг 2030, 2050, 2070 онуудад ямар байхыг тооцож үзэхэд, шивлээхэй зээргэний тархац нутагт одоо байгаагаас тэлж ургана.

Харин хармагийн төрлүүдийн тархац одоо байгаагаас хумигдана, 2070 оноос тархац нутаг тэлнэ гэсэн үр дүн гарсан. Бид энэ судалгааныхаа үр дүнг олон улсын сэтгүүлд эрдэм шинжилгээний өгүүлэл болгон хэвлүүлсэн гэв.