Google компанийн албан ёсны зөвшөөрөлтэй “Grow with Google Mongolia” тэтгэлэгт хөтөлбөрийн 2025 оны элсэлт эхэллээ. Уг хөтөлбөрт 90-100 хувийн тэтгэлгээр хамрагдах боломжтой бөгөөд цахим болон танхимын сургалтыг хослуулсан цогц хөтөлбөр юм. Хөтөлбөрт хамрагдагчид “Google Career Certificate”-тай төгсөх бөгөөд уг батламжийг дэлхий даяар 2,400,000 ажлын байр хүлээн зөвшөөрсөн билээ. Тэгэхээр хэрэв та 18-35 насны, мэдээллийн технологийн салбарт өөрийгөө сорьж, үнэ цэн бүтээх чин хүсэлтэй бол таныг олон улсын хоёр сая гаруй ажлын байр хүлээж байна гэсэн үг. 

📌 Бүртгэлийн хугацаа: 2025.05.30 - 2025.06.06 

🔗 Бүртгүүлэх холбоос: ЭНД дарж бүртгүүлээрэй! 

Хичээлийн хэлбэр: Цахим хичээл Coursera платформ дээр 100 хувь англи хэлээр явагдах бөгөөд 7 хоног бүрийн Бямба гарагт Монгол Улсын Үндэсний номын санд танхимын хичээлийг салбартаа олон жил ажилласан, туршлагатай багш нар орох болно. 

Та хөтөлбөрт зургаан чиглэлийн аль нэгээр мэргэшиж, Google-ийн албан ёсны сертификат авах боломжтой. Үүнд: 

1. IT Automation with Python - Python хэл дээр системийн автоматжуулалт, алдааны оношилгоо, Git болон Cloud орчинд ажиллах зэрэг чухал чадваруудыг эзэмшинэ. Жич: Анхан шатны программчлалын мэдлэг шаардлагатай. 
2. Cybersecurity - Мэдээллийн аюулгүй байдал, сүлжээний хамгаалалт, халдлагын илрүүлэлт, эрсдэлийн үнэлгээ зэрэг ур чадварыг эзэмшинэ. Жич: Анхан шатны IT мэдлэг шаардана. 
3. Digital Marketing & E-Commerce - Цахим орчинд бүтээгдэхүүн, үйлчилгээг сурталчлах, хэрэглэгч татах, борлуулалт өсгөх стратегиудыг эзэмшинэ. Уг чиглэлд хамрагдахад суурь мэдлэг шаардлагагүй. 
4. Advanced Data Analytics - Өгөгдөлд суурилсан шийдвэр гаргалт, машин сургалт (machine learning), статистик шинжилгээ, бизнесийн мэдээллийг боловсруулж тайлагнах чадварт сургана. Жич: Өгөгдөл шинжилгээний суурь мэдлэг шаардагдана. 
5. UX Design - Wireframe, prototype бүтээх, UI загвар боловсруулах, хэрэглэгчийн судалгаа хийх, бүтээлч сэтгэлгээг хөгжүүлэх зэрэг UX дизайны цогц чадвар эзэмшинэ. Жич: Анхан шатны мэдлэг шаардана. 
6. Project Management - Төслийн төлөвлөлт, хэрэгжилт, Agile аргачлал, бодит кэйс дээр дадлага хийх боломж бүхий төслийн удирдлагын сургалт.  

Бүх мэргэжлийн хөтөлбөрүүдэд нэмэлтээр AI болон зөөлөн ур чадвараа сайжруулах агуулга багтана. 

Хөтөлбөрийн үргэлжлэх хугацаа: 2025.06.14 - 2025.08.25-ны хооронд 3 сар үргэлжилнэ. 

Grow with Google Mongolia хөтөлбөрийн давуу талууд 

    🌐 Google-ийн боловсруулсан, албан ёсны хөтөлбөр 

    🎓 Олон улсын түвшний мэргэжлийн сертификат 

    🖥️ Цахим болон танхимын сургалтыг хослуулсан бүтцээр явагдана 

    🧑‍🏫 Практик дээр суурилсан, зочин багш нарын оролцоотой 

    💯 90-100 хувийн тэтгэлэг 

    💼 Ажил мэргэжлийн өсөлтөд чиглэсэн дэмжлэг 

    🤝 Хамт суралцах эерэг хүрээлэл, хамт олон 

Хөтөлбөр 90-100 хувийн тэтгэлэгтэй бөгөөд 90 хувийн тэтгэлэгт тэнцсэн тохиолдолд төлбөр болох 200,000 төгрөгийг төлж, гэрээ байгуулан баталгаажуулна. Таны ирээдүйн амжилтын эхлэл энэ мөчөөс! Хэрвээ та мэргэжлийн ур чадвараа дараагийн түвшинд гаргаж, карьертаа том дэвшил хийхийг хүсэж байвал “Grow with Google Mongolia” хөтөлбөрт хамрагдах бүртгэлээ яг одоо хийгээрэй. 

Дэлгэрэнгүй мэдээллийг Grow with Google Mongolia фэйсбүүк хуудсаас аваарай.