Бага насны хүүхэд бусдын асаалттай үлдээсэн машиныг зөвшөөрөлгүйгээр авч явсан 4 удаагийн үйлдлийг шалгаж байна.

Цагдаагийн байгууллагад энэ оны тавдугаар дугаар сарын 22-ны өдөр “Сонгинохайрхан дүүргийн нутаг дэвсгэрт машиндаа суулгасан байсан бага насны хүүхэд "Тоёота 41" маркийн тээврийн хэрэгслийг унаад зугтаасан” гэх дуудлага мэдээлэл бүртгэгджээ.

Шалгалтаар 10 настай Э нь Сонгинохайрхан дүүргийн нутаг дэвсгэрт иргэн Д-ийн машинд “Жоохон сууж дулаацаад бууя” гэж хэлэн сууж жолоочийг дэлгүүр орсны дараа машиныг нь зөвшөөрөлгүйгээр унаад явсан байна.

Мөн дээрх бага насны хүүхэд нь урьд өмнө нь 3 иргэний асаалттай үлдээсэн машиныг зөвшөөрөлгүйгээр унаж яван, зам дагуу орхиж явсан үйлдэл тогтоогджээ.

Иргэн та өөрийн тээврийн хэрэгсэлдээ танихгүй хүн үлдээхгүй байх мөн зам дагуу дэлгүүр, эмийн сан зэрэг үйлчилгээний байгууллагаар үйлчлүүлэх үедээ тээврийн хэрэгслээ асаалттай онгорхой үлдээхгүй байж, энэ төрлийн гэмт хэргээс урьдчилан сэргийлэхийг зөвлөж байна.