УИХ-ын гишүүн Г.Дамдиннямаас Ерөнхий сайдын хүүгийн өндөр орлогын талаар байр суурийг нь сонсов.

Тэрээр, Ерөнхий сайд одоогоор намын бүлгийн хуралд орж ирээгүй байна. Олон нийтийн эргэлзээг тайлах ёстой. Сүхбаатарын талбайд болж буй жагсаалын дуу хоолой Төрийн ордонд сонсогдолгүй яах вэ. Бид иргэдээ сонсох ёстой. 

Юм зарчимтай байх ёстой. Талбай дээрх Монголын ард түмний ард түмний төлөөлөл болсон залуусыг дэмжиж байна. Шударга ёсыг нэхэж, үл ойлгогдох байдлыг тодруулах ёстой. Залуучуудын тавьж буй шаардлагатай санал нэг байна. МАН 104 жилийг түүхтэй, Монголын улс төрийн ууган хүчин. Янз бүрийн хүнд цаг үеүдэд Монгол Улсыг авч явсан нам.

Би яагаад үүнийг хэлэв гэхээр алдаа гарвал нам өөрөө засаад урагшилж чаддаг. Манай намд ёс зүйн дүрэм бий. Энэ хүрээнд асуудлуудаа ярих ёстой. Хуулийн байгууллагын дүгнэлт гарах биз. Ерөнхий сайд өөрөө тайлбараа хийнэ биз. Зарчмын хувьд олон нийтийн эргэлзээг тайлах нь зөв байх. Одоогоор Ерөнхи сайд намын бүлгийн хуралд орж ирээгүй байна" гэв.

-Гадаад зээлийн ашиглалтыг сайжруулах хуулийн төслийг боловсруулж байна.
-Төсвийн тухай хуультай. Манай улсын эдийн засаг хямарсан үеүдийг хараарай. Давхар төсөвтэй болсон үед хямарсан. Төсвийн алдагдал,  концесс, оффтэйкээс айх хэрэггүй. Хэрэгжүүлэхдээ л алдаа гаргасан. Хөгжиж буй орнуудад бүгд хэрэглээд явдаг. Түүнээс цоо шинэ юм бодож олоод, болох болохгүй юм руу үсэрч ороод хэрэггүй.

-Өнгөрсөн баасан гарагт УИХ гурилын импортын татварыг нэмэхгүй гэж шийдэв. Та тариалангийн бүс нутгаас сонгогдсон гишүүний хувьд юу хэлэх вэ?
-Би МАН-ын Ерөнхий нарийн бичгийн даргын хувиар өнгөрсөн долоо хоногт БНХАУ-д бүтэн ажилласан тул мэдээлэл аваагүй байна.