Гаалийн ажилтнууд Замын-Үүдийн хилээр их хэмжээний самар гаргасныг Гаалийн ерөнхий газар, Эрүүгийн цагдаагийн газраас хамтарсан ажлын хэсэг гарч илрүүлсэн байна.
 
Улмаар Замын-Үүдийн гаалийн хорооны улсын ахлах байцаагч н.Цийрэгзэн, Ховд аймгийн самрын ченж С.Болд нар хуйвалдан 40 тоннын чингэлэгтэй машинд самар ачиж хууль бусаар хил нэвтрүүлсэн хэргээр шалгаж байгаа юм.

Холбогдох албаны мэдээлснээр Монгол Улсын хамгийн том, хяналт шалгалт сайтай гэгдэх боомтоор 34 тонн самрын чөмөг ачсан, 40 тоннын чингэлэгтэй автомашиныг ямар ч тэмдэглэл, бүрдүүлэлт хийлгүйгээр нэвтрүүлсэн нь шалгалтаар илэрсэн аж.
 
Зах зээлийн ханшаар энэ хэмжээний самар нь өмнөд хөршид 650 мянган доллараар үнэлэгддэг юм байна.

Б.Тэлмэн