Эрүүл мэндийн сайд Д.Туяагаас Хонгор сумын та­лаар тодрууллаа.

-Д.Туяа сайд аа, Хонгор сумын иргэд танд гом­дол­той яваа юм байна. Хонгор сумын иргэд хордож бай­хад Эрүүл мэндийн сайд харагдаагүй гэсэн шүүмж­лэл ч явж байна?
-Дэд сайд А.Отгонболдын ахалсан ажлын хэсэг Хонгор суманд ажиллаж байгаа юм. Эрүүл мэндийн яам Хонгор сумын иргэдтэй адилхан санаа зовж байна. Тэднийг бид хордуулаагүй. Бид иргэдийн эрүүл мэндийг хамгаалах ажил хийж байгаа шүү дээ. Ер нь заавал хүн өвдлөө гэсэн тохиолдол болгон дээр сайд очиж харж байх албагүй.

-Хордлогоос болж үр хөн­дүүлж байхад эмэгтэй сайд анхаарал тавих ёстой гэж зарим хэвлэлийнхэн бичсэн?
-Би эмзэглэхгүй яах юм бэ. Би хатуу төмөр шиг амь­тан, эхчүүдийн эсрэг байна гэсэн юм байхгүй. Юу гэж тэгж муухай бодож, хардаад бай­даг юм бэ. Харин тэрнийг чинь онцгой анхаарч ялангуяа төрж байгаа, жирэмсэн эх­чүүдийг хяналтад аваад, ЭНЭШТ-өөс хоёр сайн на­рийн мэргэжлийн эмч, ураг суд­лаач нараа явуулж, ажил­луул­сан. Түүн дээр ерөөсөө “но” байхгүй шүү. Өнөөдөр хүр­тэл ураг судлаач ХБНГУ-ын док­тор ирсэн байгаа.

-ЭНЭШТ-д Хонгороос ир­сэн дутуу төрсөн эх хүүх­дийг нууцалж байгаа гэсэн?
-Тийм юм байхгүй. Ма­найхан бүр нарийн мэр­гэж­лийн судалгаа шаардлагатай бол Солонгос, Хятадад явуул­­­­­­­­­­сан шинжилгээний ха­риунд үндэслэж, шинэ ар­гач­лал удирдамж гаргана. НҮБ-ын олон ул­сын байгууллагаас суд­лаач тус­лаач гэсэн хүсэлтийг ма­най бай­гууллага ганцаараа гаргах эрх байхгүй. Тийм түвшинд хүрээгүй байх гэж санаж байна. Зүгээр хувь хүнийхээ хувьд миний бие дээр адил­хан юм гарсан юм шиг л санаа зовж байна. Тэ­гэхэд Д.Туяа сайд да­рам­таллаа, доромжиллоо гээд…

-Хонгорынхон ха­муу­тай гэж хэлсэн гээд байгаа?
-Хамуутай хүн байсан нь үнэн. Тэрийг эмчлээд зүгээр болгож байгаа. Хамуу бол эмчлэгддэг өвчин шүү дээ. Амархаан эмчилчихнэ.

-Гэхдээ Хонгорынхон бүг­дээрээ хамуутай гэж үү?
-Тийм юм байхгүй. Тийм байсан гэж би хэзээ ч хэ­лээгүй. Зүгээр нэг үгээр улс төр хийх гэж байгаа бол ха­рамсалтай л байна.

-Орон нутгийн засаг за­хиргааныхан болон эмч нарыг мэдээлэл өгч бо­лохгүй. Хэрэв мэдээлэл өгвөл ажлаас нь хална гэж сүрдүүлсэн гэж ярьцгааж байна?
-Тийм юм огт надаас га­раа­гүй. Андуурсан байлгүй. Тэр байтугай хэвлэлийнхэнд үнэн бодит мэдээлэл өгч бай гэхээс биш албан тушаалаас нь хална гээгүй. Би тийм хүн биш.

-Бас нэг эргэлзээ тө­рүүл­сэн зүйл байна. Засаг захир­гааныхан нэг юм яриад иргэд огт өөр юм яриад байна. Энэ бүхэн Зас­гийн газар мэ­дээл­лийг нуу­цалж байгаа гэсэн сэжиг хүмүүст төрүүлж бай­на. Үнэхээр хэн нэгэн мэ­дээл­лийг нууцлах үүрэг танд өгсөн үү?
-Мэдээллийг нууцал гэсэн юм огт байгаагүй. Бодит бай­дал дээр нь ажиллах хэрэг­тэй. Хэвлэлийнхэн ч очиж мэдээлэл аваад байгаа. Гэх­дээ янз янзын байдлаар л мэдээлэл тараагаад байх шиг байсан. Ер нь хэвлэл мэ­дээллийн талаар тэгж мэдээл, ингэж нууцал гэсэн юм байх­гүй. Хөрс, усыг бохирдуулсан улстай тэмцэх байтал эмчилж байгаа эмч нар, ЭМЯ руу ингэж дайрч болохгүй л дээ.

-Засгийн газар олон ул­сын шинжээчдийн багт хан­дах бо­лов уу. АН-ынхан Зас­гийн газар олон улсын бай­­гуул­лагад хандах хэрэг­тэй гэсэн зөвлөгөө өгч байсан са­наг­дана?
-Бид АН-ын зөв­лөлийн­хөнд мэдээлэл өгч байсан. Тэнд хөрсний усны бүх шин­жил­гээ гарсан хойно бид то­дор­хой шийдэл гаргана гэж ярьж байсан болохоос биш яг тэг ингэ гэж дурдаагүй.

-Сөүл болон Хөх хотод ил­гээсэн шинжилгээний ха­риу хэзээ ирэх вэ?
-Хариу ирээгүй байна. Ирэхээр нь хэвлэлийнхэнд бо­лон нутгийн иргэд дээр очиж байгаад то­дорхой мэ­дээлнэ.

Б.Янжмаа