Дуучин Тэйлор Свифт, Америкийн хөл бөмбөгийн үндэсний лигийн тоглогч Трэвис Келси нар сүй тавьснаа зарлалаа.

Хосууд зургаа цахим сүлжээнд “Англи хэлний багш болон Биеийн тамирын багш нь гэрлэх гэж байна” гэсэн тайлбартайгаар нийтэлсэн байна.

Тэйлор Свифт болон Трэвис Келси нар 2023 оны арванхоёрдугаар үерхлээ олон нийтэд ил болгосон.

Дуучин бүсгүй энэ талаар “Бидэнд олон нийтэд зарлахаасаа өмнө хамт байх зөндөө цаг байсанд маш их баярладаг. Энэ үеэр бие биеэ илүү таньж мэдсэн” хэмээн нэгэн ярилцлагадаа дурдаж байв.
Энэ сарын эхээр Тэйлор Свифт шинэ цомгоо гаргана хэмээн зарласан юм. 

Түүний хувьд Грэммигийн 14 удаагийн шагналыг хүртсэн бөгөөд "Оны шилдэг цомгийн эзэн"-ээр дөрвөн удаа тодорсон цор ганц уран бүтээлч болж, рекорд тогтоосон. 

Мөн тэрбээр 2023 онд албан ёсоор тэрбумтнуудын эгнээнд нэгдсэн. Түүний энэ амжилтад "Эрас" аялан тоглолт нь чухал нөлөө үзүүлсэн юм. 

Харин Трэвис Келсигийн хувьд Super Bowl-ийн гурван удаагийн ялагч бөгөөд ахтайгаа хамтран подкаст хөтөлдөг. 

Хосуудын сүй тавьсан тухай зурагны доор алдартай уран бүтээлчид баяр хүргэсээр байгаа бөгөөд АНУ-ын ерөнхийлөгч Дональд Трамп ч аз жаргал хүссэн сэтгэгдэл үлдээсэн байна. 

Эх сурвалж: Reuters