LG Electronics нь Дэлхийн байгаль орчны өдөрт зориулан “Life’s Good” цэцэрлэгийг нээж, Монгол Улсын ногоон хөгжлийн санаачилгад бодит хувь нэмрээ орууллаа. Энэхүү санаачилгын хүрээнд 120 гаруй мод, бут — гацуур, нарс моддыг тарих ажил хийгдсэн байна.

Чингис хааны хөшөөт цогцолбор Цонжин Болдогт байрлах уг цэцэрлэг нь Монгол дахь байгаль орчны тогтвортой хөгжлийн төлөөх LG-ийн урт хугацааны үйл ажиллагаа болон тууштай бодлогыг илэрхийлж байна. Мод тарих үйл ажиллагааг LG Electronics болон Женко Тур Бюро хамтран зохион байгуулсан бөгөөд үйл ажиллагаанд LG Electronics CIS-ийн Ерөнхийлөгч ноён Ёнгнам Ро, LG Electronics Almaty Kazakhstan-ийн Ерөнхийлөгч ноён Хак Хён Ким нар оролцлоо.

“Life’s Good” цэцэрлэг бол зүгээр нэг ногоон байгууламж биш — энэ бол LG-ийн тогтвортой хөгжил, ногоон ирээдүйн төлөөх чин сэтгэлийн илэрхийлэл юм. Монгол Улсын үндэсний мод тарих аянд хувь нэмэр оруулж байгаадаа бид бахархаж байна. Засгийн газар болон орон нутгийн хамтрагчдадаа итгэл хүлээлгэж, хамтран ажилласан явдалд гүн талархал илэрхийлье. LG-ийн хувьд “Сайн үйл хийснээр амьдрал сайхан” гэдэгт итгэдэг. Энэхүү цэцэрлэг бол энэ итгэлийн бодит илэрхийлэл юм,” хэмээн LG Electronics CIS-ийн Ерөнхийлөгч ноён Ёнгнам Ро онцоллоо.

Санаачилгын хүрээнд нийт 4000 м² талбайг цэцэрлэгжүүлж, орон нутгийн иргэдийн тав тухтай амьдралд эерэг нөлөө үзүүлэх ногоон орчин бүрдүүлэх зорилготой. Үүнээс гадна 610 м² талбайд өнгөт хавтан бүхий явган замууд тавигдаж, цэцэрлэг нь амрах, зугаалах боломж бүхий нээлттэй орон зай болж байна.

“Life’s Good” цэцэрлэг нь иргэд болон жуулчдад нээлттэй бөгөөд байгаль орчинд бодит хувь нэмэр оруулахыг хүссэн хүн бүрийг оролцохыг урьж байна. Мод тарих үйлс нь дурсамжтай зочлол төдийгүй амьд өв үлдээж, байгаль орчны тогтвортой хөгжилд хувь нэмэр оруулах боломжийг бүрдүүлдэг. Иргэдийн хувьд энэ нь өөрсдийн амьдрах орчныг идэвхтэй сайжруулах, байгаль орчны урт хугацааны тогтвортой хөгжлийг дэмжих утга учиртай боломж юм. Энэхүү хамтын хүчин чармайлт нь нэгдмэл үзэл санааг төлөвшүүлж, байгальд хариуцлагатай хандах соёлыг түгээхээс гадна ногоон нийтийн орон зайг тэлэхэд бодит хувь нэмэр оруулна. Оролцогч бүрийн нэр, мод тарих огноотой хувийн нэрийн пайз тухайн модны хажууд байрлуулна. Энэхүү бэлгэдэлт үйлдэл нь мод бүр өөрийн гэсэн түүхтэй болохыг илтгэж, нэг ширхэг мод ч илүү ногоон ирээдүйн төлөөх утга учиртай санаачилгын нэг хэсэг байж чаддаг болохыг сануулж байна.

LG нь цаашид ч эрчим хүчний хэмнэлттэй технологи болон байгаль орчинд ээлтэй санаачилгуудаараа дамжуулан нийгэмд эерэг нөлөө үзүүлэхээр зорьж байна.

Эдгээр хүчин чармайлт нь байгалийн нөөцийг хамгаалах, мөн ирээдүй хойч үеийн сайн сайхан амьдралыг дэмжихэд бодит хувь нэмэр оруулна гэдэгт итгэлтэй  байна.

LG Electronics, Inc. компанийн тухай

LG Electronics бол дэлхийн бараг бүх улсад төлөөлөгчтэй, 75,000 гаруй олон улсын ажилтантай, технологи болон хэрэглээний цахилгаан барааны тэргүүлэгч инновацын компани юм. LG нь Гэр ахуйн цахилгаан хэрэгслийн шийдэл, Медиа энтертайнмент шийдэл, Тээврийн хэрэгслийн шийдэл, Экологийн шийдэл гэсэн дөрвөн бизнес нэгжтэй бөгөөд 2024 онд дэлхий даяар 88 их наяд вон (KRW)-ын борлуулалт хийжээ. LG нь телевизор, гэр ахуйн цахилгаан хэрэгсэл, агаар цэвэршүүлэх шийдэл, дэлгэц, автомашины эд анги, ухаалаг шийдлүүд зэрэг өргөн хүрээний хэрэглээний болон арилжааны бүтээгдэхүүн үйлдвэрлэдгээрээ танигдсан. Түүнчлэн, дээд зэрэглэлийн LG SIGNATURE болон ухаалаг LG ThinQ брэндүүд нь дэлхий даяар танил болсон. Сүүлийн үеийн мэдээ мэдээллийг www.LGnewsroom.com сайтаас сонирхоно уу.