Энэ оны 3 дугаар сарын 22-25-ны өдрүүдэд ОХУ-ын нийслэл Москва хотноо "Бэлэг дурсгал Хавар-2010" сэдэвт олон улсын уламжлалт үзэсгэлэн зохион байгуулагдах гэж байна. Уг үзэсгэлэн Москва хотын Засаг захиргааны ивээл доор, Москва хотын Худалдаа, Аж Үйлдвэрийн Танхим болон ОХУ-ын Бэлэг дурсгал үйлдвэрлэгч, нийлүүлэгчдийн холбооны дэмжлэгтэйгээр "Подарки Экспо" ХХК нь үзэсгэлэнгийн Манеж төв дээр зохион явагдана. Үзэсгэлэнгийн Манеж төв нь Улаан талбайгаас таван минутын орчим буюу нийслэл хотын төвд байрладаг.
 
Үзэсгэлэнгийн үндсэн чиглэл:
-Дэлхийн ард түмний бэлэг дурсгал
-Ардын гар урлал
-Бэлэг дурсгал
-Арьсан бүтээгдэхүүн
-Бичиг хэрэг
-Шил, төмөр, ваар, шаазан эдлэл
-Сүлжмэл
-3ургийн гар урлал
-Алт, мөнгөн эдлэл
-Бэлэг дурсгалын сав баглаа боодол
-Цаг
-Гэрэл болон лааны чимэглэл
-Төрөл бүрийн тоглоом
-Цахилгаан жижиг хэрэгсэл
-Аялал жуулчлалын хэрэгсэл
-Спортын цом
-Гоёл чимэглэл

Үзэсгэлэнгийн нийт 6000 ам метр талбайд Оросын 300 компани болоод Их Британи, Франц, Испани, Итали, Чех, Турк, Израиль, Хятад Тайвань, Тайланд, Филиппин, Өмнөд Солонгос, Энэтхэг, Индонез, Литва, Украин, Беларус орнуудын төлөөлөгчид оролцохоор мэдүүлгээ өгөөд байна.

"Бэлэг дурсгал Хавар-2010" үзэсгэлэн нь Орост хамгийн томоохон арга хэмжээнд тооцогддог бөгөөд уг үзэсгэлэнгээс бэлэг дурсгалын дэлхийн хөгжлийн чиг хандлагыг тодорхойлохоос гадна энэ салбарын үйлдвэрлэгч, нийлүүлэгч, захиалагч, борлуулагчид бизнесийн түншээ олох өргөн, туршлага солилцох боломжтой.

Энэхүү үзэсгэлэнг мэргэжлийн судлаачид, үйлдвэрлэгчид, нийлүүлэгчид, дилерүүд, дистрибьюторууд, бөөний худалдаачид, худалдааны томоохон төвүүд, жижиглэнгийн дэлгүүр, салоны мэргэжилтэнгүүд    тогтмол үзэж сонирхдог байна. Тус үзэсгэлэнгийн зар   сурталчилгааг   ОХУ   болон ТУХНО-дын   хэмжээнд телевиз, радио, төрөлжсөн сэтгүүл, тухай салбарын төлөөлөгч болон Засгийн газрын холбогдох байгууллагуудад өргөн явуулдаг юм байна.

Москва   хотноо   зохиогдох   олон улсын  энэ  үзэсгэлэнд  Монголын бараа бүтээгдэхүүнийг сурталчилж, аж ахуйн нэгжүүдийг    зохион байгуулалтайгаар МҮХАҮТ оролцуулах гэж байна. Иймээс тус үзэсгэлэнд    бараа бүтээгдэхүүнтэйгээ оролцох, эсвэл уг арга  хэмжээг  сонирхож  үзэх хүсэлтэй аж ахуй нэгж, компаниудыг доорх  хаягаар  энэ  сарын  5-ны дотор бүртгүүлнэ үү.

Хаяг:МҮХАҮТ, Үзэсгэлэн яармагийн газар
Утас:325374, 312371, 9913-8907
И-мэйл: sarantuya@mongolchamber.mn