Монгол Алтайн нурууны улсын тусгай хамгаалалттай газруудын хамгаалалтын захиргааны даргын тушаалаар Алтай Таван Богд уул руу байгаль хамгаалагчийн нэвтрэх постоос цааш зөвхөн явганаар болон ердийн хөсгөөр зорчихыг зөвшөөрчээ.

Алтай Таван Богд уул руу зорчиж буй тээврийн хэрэгслүүд олон салаа зам гарган хөрсний эвдрэл үүсгэж, нэн ховор, ховор ургамлыг устгах, байгалийн унаган төрхийг алдагдуулж байгалийн цогцолбор газрын хамгаалалтын дэглэм горимыг зөрчиж байгаа тул 2023 оны долоодугаар сарын 28-ны өдөр уг тушаалыг гаргасан байна.

Тиймээс 2023 наймдугаар сарын 1-нээс эхлэн Алтай Таван Богд уул руу Шивээтхайрхан болон их ойгоор талын байгаль хамгаалагчийн нэвтрэх постоос цааш зөвхөн явганаар болон энгийн хөсгөөр зорчуулах юм байна.