CSGO электрон спортын сүүлчийн мажор /Оны хамгийн том тэмцээн/ болох "BLAST.tv Paris Major 2023" хоёр дахь өдрөө Парис хотын "Accor Arena"-д үргэлжилж байна.

CSGO-ын дэлхийн аварга гэж болохуйц тэмцээнд Ази тивийг төлөөлөн оролцож буй Монголын The Mongolz баг "Challenger" шатны гурав дахь тоглолтоо Австралийн Grayhound Gaming багтай хийлээ.

Тоглолт Nuke map-д болоход монгол залуу тэргүүлж эхэлсэн дараалан олон үе алдаж 16-10 харьцаагаар хожигдсоноор хасагдах шат руу уналаа.

Хоёр баг Ази тивийн сонгон шалгаруулалтын тэмцээнүүдэд олон удаа учраа таарсан бөгөөд хамгийн сүүлд мажорын эрх олгох Asian RMR тэмцээнд Австралийн баг хожсон билээ.

The Mongolz багийн мажорын тоглолтуудын үр дүн:

• The Mongolz 0-1 (Inferno 11-16) G2 Esports
• The Mongolz 1-0 (Inferno 16-11) GamerLegion

Монголын баг маргааш мажорт үлдэхийн төлөө дахин нэг чухал тоглолтыг хийнэ.