Монгол Улсын Гадаад харилцааны яамны хэвлэлийн төлөөлөгч Асашёорюүгийн зодог тайлсан явдалтай холбогдуулан мэдэгдэл хийжээ. Ингээд энэхүү мэдэгдлийг бүрэн эхээр нь хүргэж байна.

Японы мэргэжлийн сумо бөхийн 68 дахь Их аварга Асашёорюү Д.Дагвадорж зодог тайлах болсонд Гадаад харилцааны яам харамсч байна. 

Тэрээр Монгол, Японы соёл, олон нийтийн харилцаа, ард түмнүүдийн харилцан ойлголцлыг гүнзгийрүүлэхэд тодорхой хувь нэмэр оруулсныг зохих ёсоор үнэлж байна.

Их аварга Асашёорюүгийн зодог тайлах болсон шийдвэрийг хүлээн авч байгаа хоёр орны олон нийт, хэвлэл мэдээллийнхний сэтгэл санааг ойлгож байна. Гэхдээ энэ үйл явдал нь хоёр орны иргэдийн харилцаанд нөлөөлөхгүй гэж итгэж байна гэж мэдэгдэлд дурьджээ.