АНУ-д “Анти Оскар” гэгддэг “Алтан бөөрөлзгөнө” буюу кино бизнесийн хамгийн муу бүтээлд олгодог шагналд нэр дэвшигчдийг зарлажээ.

Энэ жилийн хувьд уг шагналд олон алдартай бүтээл, жүжигчид нэр дэвшээд байна. Найруулагч Майкл Бэйгийн “Трансформерс-2” хамгийн олон номинацид нэр дэвшжээ. Бэй өөрөө “хамгийн муу найруулагч”, гол дүрийн эмэгтэйд тоглосон Меган Фокс “хамгийн авьяасгүй жүжигчин”-д нэр дэвшсэн бол кино нь “хамгийн муу кино”, “хамгийн муу кино зохиол” шагналын эзэн болж болзошгүй байна.

“Трансформерс”-тай “хамгийн муу кино”-ны шагналын төлөө “Кобрагийн үсрэлт” тулаант кино, Робин Уильямс, Жон Тарволта нарын тоглосон “Мөн амрав аа” кинонууд өрсөлдөх аж. Меган Фокс хоёр ч кинонд бүтээсэн дүрээрээ “хамгийн муу жүжигчин”-д нэр дэвшээд байгаа юм байна. Хоёр дахь нь “Женниферийн бие” кинонд бүтээсэн дүр түүнд ийм боломж олгожээ.

Түүнтэй “Бүгд Стивийн тухай” инээдмийн киноны дүрээрээ Сандра Баллок өрсөлдөнө. Хамгийн сонирхолтой нь Баллок “Үзэгдэхгүй тал нь” кинонд бүтээсэн дүрээр Оскарт нэр дэвшээд байгаа. Тэгэхээр эдгээр шагналыг хоёуланг нь авч чадах эсэх нь их сонирхол татаж байна.

Эрэгтэй жүжигчдийн хувьд “хамгийн муу жүжигчин”-ий төлөө Жон Тарволта Стив мартин нар өрсөлдөх болно.

Энэ жилийн ёслолын ажиллагааны нэг онцлог нь сүүлийн арван жилийн хамгийн муу эрэгтэй, эмэгтэй жүжигчин, киног мөн шалгаруулах аж. Эрэгтэйчүүдээс Бен Аффлек, Майкл Майерс, Жон Тарволта, Эдди Мерфи, Роб Шнайдер нар өрсөлдөх бол эмэгтэйчүүдээс Женнифер Лопес, Линдси Лохан, Пэрис Хилтон, Мадонна, Мэрайя Кери нар нэр дэвшжээ.

С.Баяр http://www.niigmiintoli.mn/