Сайхан залуу шалгаруулах "Мистер интернэшнл-2009" уралдаан энэ сарын 19-нд Тайваньд болжээ. Анхных нь 2006 онд Сингапурт болж байсан энэ уралдаанд дэлхийн 30 орноос эрчүүд оролцсон байна.

Тэмцээний гол шагналын эзнээр 20 настай Бруно Кеттелз тодорч, дэлхийн хамгийн сайхан залуугаар шалгарав. Бруно Боливиос ирсэн. Тэрбээр "Энэ тэмцээнд эрчүүдийн зөвхөн гадаад үзэмжийг харсан юм биш. Оюун ухаан, боловсрол мэдлэг гээд олон зүйлийг нь харсан" хэмээсэн юм. Анхны мистер нь вьетнам залуу болсон аж.