Монгол Улсын Ерөнхийлөгч Ц.Элбэгдорж Улсын Их Хурлаас баталсан 2010 оны Төсвийн тухай хуульд хориг тавиад байгаа билээ. Тэрээр “Төсвийг хэлэлцүүлэхдээ гаргасан УИХ-ын энэ ил тод "алдаа" нь төрийн байгууллагуудын эрх мэдлийн хуваарилалт, харилцан хяналттай хэрэгжих Үндсэн хуулийн тулгуур зарчимтай харшилдаж байгаа юм” хэмээн онцлон тэмдэглэсэн билээ.

Иргэдийн дунд ч багагүй бухимдал төрүүлээд байгаа энэхүү “гишүүн бүрт олгох 1 тэрбум төгрөг” нь хэчнээн далдлах гэж оролдсон ч үл бүтэх ил цагаан луйврын шинжтэй зүйл болох нь ойлгомжтой болоод байгаа юм.

Тэгвэл УИХ-ын гишүүн Д.Энхбат “Ерөнхийлөгчийн хоригийг 100 хувь дэмжиж байна. УИХ хоригийг хүлээн авсан үгүй хамааралгүй би "өөрийн" нэг тэрбумаас татгалзаж байна” хэмээн өөрийн Twitter.com-ийн хуудсандаа тэмдэглэжээ. Тэгэхээр юутай ч олонх “эрүүл бус” шийдвэр гаргаж байгаа ч ганц дайчин ганцаардахгүй гэгчээр “эрүүл ухаанаар” сэтгэдэг ганц боловч хүн байгаа нь сайшаалтай юм.

О.Ариунбилэг