Өнөөдөр АНУ Японы Хирошима хотод цөмийн бөмбөг хаяад 73 жил өнгөрчээ. Японы ард иргэд тус өдөр амиа алдсан, гэмтсэн бүх хүнийг дурсан санаж байна.  Ёслолын үеэр Хирошима хотын дарга Казуми Мацүи дэлхийн улс орнуудыг цөмийн зэвсгээс татгалзахыг уриалжээ.

Хотын дарга “Олон улсын аюулгүй байдалд заналхийлж буй цөмийн зэвсгийг багасгахыг уриалж, дэлхий даяар улс орнуудын баримталж байгаа цөмийн зэвсгийн бодлогын талаар санаа зовж” буйгаа илэрхийлсэн юм. Мөн Япон улс цөмийн зэвсэггүй дэлхийг бий болоход чухал үүргийг гүйцэтгэх хэрэгтэй талаар хэллээ.

1945 онд энэ өдрийн өглөөний 08:15-д Японы Хирошимад цөмийн бөмбөг хаяснаар 140.000 гаруй хүн амиа алдсан юм. Гурван өдрийн дараа Нагасакид мөн бөмбөг хаяж, 70.000 гаруй хүн амиа алдсан аймшигт хэрэг гарсан.

Ёслолын үеэр Японы ерөнхий сайд Шинзо Абэ цөмийн зэвсэгтэй улс болон цөмийн зэвсэггүй улс хоорондын ялгаа улам тэлж байна. Тиймээс энэ зайг бөглөхийн тулд илүү ихийг хийнэ гэдгээ амлав. Харин улс орнууд цөмийн зэвсгийн хор уршгийг бодитоор ойлгох хэрэгтэй талаар хэлсэн юм. 

Эх сурвалж: Japan times, Fox news