Нэр нь тодроогүй уран барилгачин, зураачдын бүтээсэн олон мянган сүм хийдийг ардын уран барилгын дурсгал хэмээн үзэж улсын хамгаалалтад авчээ. Эдний дотроос хамгийн алдартай нь Өвөрхангай аймагт орших Эрдэнэ зуу хийд аж. Түүхийн олон бүтээлд энэ хийдийг 1586 онд байгуулсан гэж үздэг байна.

Гэтэл "Эрдэнэ зуугийн түүх"-т 1586 онд энэ барилгад засвар хийж байсан хэмээн өгүүлсэн байдаг. Улаагчин гахай жил буюу 1599 онд хэд хэдэн дуган барьж нийтээр нь Бат-Эрдэнэ зуу гэж нэрлэж 1700 он хүртэл ийн нэрлэж байсныг дурьдсан байжээ. Эрдэнэ зуу хийдийн Их зуу, Баруун зуу, Зүүн зуу хэмээх гурван хийдийг 1796-1798 онд уг хийд доторх хамгийн хүндэтгэлтэй газар барьсан аж.

С.Туул