Татварын алба өнгөрсөн сарын 01-нээс эхлэн “Татварын удирдлагын нэгдсэн систем” нэвтрүүлжээ. Ингэснээр татварын орлогыг зөвхөн татварын нэхэмжлэхэд суурилсан “Цахим төлбөрийн систем”-ээр хүлээн авч байна.

Сүүлийн үед улсын тэмдэгтийн хураамж төлөхөд иргэдэд үүссэн хүндрэлийг шийдвэрлэхээр Татварын ерөнхий газар арилжааны банкуудтай хамтран ажиллаж иргэн татвар төлөгчөөр бүртгүүлэх, “Татварын нэхэмжлэхийн дугаар” үүсгэх, авах зэрэг хүндрэлтэй асуудлыг шийдвэрлэжээ. Энэ сарын 14-нөөс эхлэн УБЕГ-ын тэмдэгтийн хураамжийг ТОГТМОЛ НЭХЭМЖЛЭЛИЙН ДУГААР-р арилжааны банкинд шууд төлөх боломжтой боллоо.

Өөрөөр хэлбэл та иргэний үнэмлэх, гадаад паспорт захиалах, сунгуулах, төрсний гэрчилгээ авах, гэрлэлт бүртгүүлэх зэрэг Улсын бүртгэлийн ерөнхий газраас үзүүлдэг  38 нэр төрлийн үйлчилгээг авахдаа заавал татварын албанд очилгүйгээр цахим татварын систем https://e-tax.mta.mn/, интернэт банкаар эсвэл  өөрт хамгийн ойрхон  банкны салбарт  очиж  тогтмол нэхэмжлэлийн дугаараар  улсын тэмдэгтийн хураамжийг шууд төлөх боломжтой.

ТАТВАРЫН ЕРӨНХИЙ ГАЗАР